Problem Blong Ekonomi—Samting We Kingdom Blong God Bambae i Mekem

Raon long wol, plante man oli faenem i had blong winim naf mane blong laef, mo problem ya i stap kam mowas.

• Folem wan ripot we i kamaot i no longtaem,a ol man oli naf blong pem smol samting nomo wetem ol mane we oli kasem. Ol ripot ya oli talem se sipos i no gat wan samting i jenis, bambae yumi luksave klia ol man we oli rij mo olgeta we oli pua. Mo plante famle bambae oli no gat gudfala laef olsem bifo.

?Ol gavman bambae oli naf blong stretem problem ya blong ekonomi o mekem i kam gud moa?

Baebol i eksplenem se i gat wan gavman we i naf blong stretem olgeta problem blong ekonomi mo bambae i mekem, mo bambae i mekem se olgeta man oli kasem sem samting nomo. Hem i talem se “God blong heven bambae i stanemap wan kingdom,” o wan gavman blong manejem olgeta samting we i stap hapen long wol. (Daniel 2:44) Aninit long gavman ya we bambae i rulum wol, bambae God i no fogetem wan man o lego hem. (Ol Sam 9:18) Kingdom blong God bambae i meksua se evri man we oli stap aninit long rul blong hem, oli kasem samting we oli nidim blong stap glad. Evri man bambae oli naf blong harem gud long ol samting we oli hadwok from.—Aesea 65:21, 22.