?I Tru Se God i Wan Triniti?

Ansa we Baebol i givim

Plante jos we oli talem se oli Kristin, oli tijim se God i wan Triniti. Be makem samting we buk ya Encyclopædia Britannica i talem: “Tok ya Triniti, no tijing ya i no stap long Niu Testeman . . . Tijing ya i stat blong kam antap sloslo afta long sam handred yia i pas mo i gat plante defren tingting long tijing ya.”

Baebol i neva tokbaot God se hem i haf blong wan Triniti. Yu traem luk ol vas ya:

“Hae God [Jehova] i God blong yumi, mo hem wan nomo i God.”—Dutronome 6:4.

“Plis yu mekem olgeta oli save we yu nomo yu Hae God [Jehova], yu nao yu hae King blong olgeta ples long wol.”—Ol Sam 83:18.

“Mo laef ya, hem i min se man i save yu, we yu nomo yu tru God, mo i save mi, se mi, Jisas Kraes, we yu yu sanem mi mi kam.”—Jon 17:3.

“I gat wan God nomo i stap.”—Galesia 3:20.

?From wanem plante jos oli talem se God i wan Triniti?