Ol Papa Mama, Tijim Pikinini Blong i Mekem Wok Blong God

Ol papa mama we oli ona long God, oli wantem se pikinini blong olgeta i kam man blong wok blong Jehova. Ol papa mama oli save givhan long pikinini blong olgeta blong mekem olsem, taem oli putum ol tijing blong Baebol long hat blong pikinini, stat taem hem i smol yet. (Du 6:7; Pro 22:6) ?Olsem wanem? ?Hemia i min se oli mas lego sam samting we olgeta nomo i wantem? !Yes! Be bambae oli kasem plante blesing taem oli mekem olsem.—3Jo 4.

Eksampol blong Josef mo Meri i save givhan long ol papa mo mama. Evri yia, tufala i ‘stap go long Jerusalem blong mekem lafet blong Pasova.’ Nating se i nidim plante wok mo mane, be tufala i mekem. (Lu 2:41) Samting we i moa impoten long Josef mo Meri, hemia nid blong famle long saed blong spirit. Tede, ol papa mama oli save givhan long pikinini blong folem rod we i stret, taem oli yusum evri janis we oli gat blong toktok wetem pikinini mo soem gudfala eksampol long hem. —Sam 127:3-5.

WAJEM VIDEO YA TUFALA I TEKEM EVRI JANIS, MO BIAEN YU ANSA LONG OL KWESTIN YA:

• ?Olsem wanem Jon mo Saron Schiller i gohed blong mekem wok blong Jehova, nating se tufala i gat ol pikinini?

• ?From wanem i impoten we ol papa mama oli tijim mo stretem ol pikinini blong olgeta wanwan, long defren rod?

• ?Olsem wanem ol papa mama oli save rerem pikinini blong i stanap strong taem hem i fesem ol traem?

• ?Yu yu yusum weswan tul we ogenaesesen blong Jehova i givim, blong halpem pikinini blong yu blong kam fren blong Jehova?