Samting We Yu Save Mekem Long Pesnel Stadi Mo Famle Wosip

Yumi no wosipim Jehova nomo long ol miting mo ol asembli, be yumi wosipim Jehova tu taem yumi stap yumi wan mo wetem famle blong yumi. Hemia sam samting we yu save mekem long pesnel stadi mo famle wosip:

• Rerem miting blong kongregesen. Yu save lanem ol singsing we bambae oli singsing long hem long miting mo halpem evriwan long famle blong rerem wan ansa.

• Ridim wan stori long Baebol. Biaen, droem pija blong wan samting we i hapen long stori ya o raetemdaon lesen we yu lanem.

• Ridim wan prea we i stap long Baebol, mo tokbaot olsem wanem i save halpem yu blong kam gud moa long ol prea blong yu.

• Wajem wan video long jw.org mo tokbaot wetem ol narafala, o yu raetemdaon ol samting we yu laekem.

• Rere from wok blong prij. Maet wan long famle i save mekem man blong haos, mo yu save praktis se bambae yu talem wanem long hem.

• Lukluk kriesen mo tingting dip long hem, o tokbaot olsem wanem i tijim yu long saed blong Jehova.a