Tsá Ohtsíístapanistaʼpiiwa Otsísstsiiwatahsaawa Makáʼpatoʼsiwa?

Otssáwanistsiʼtoahsaawa Iihtsipáítapiiyoʼpa Adam ki Eve, stámohtsiʼniyaawa. Genesis 3:6, 23

Eve iiyísstsiiwatsiiwa anní piksííksiinaawa ki stámitohtsoyiwa oʼtóyʼssataiksi. Ohkáttohtsitsíístapiisoyiwa anní Adam ki stámohkáttohtsoyiwa.

Otsikííhpoaayi iikokáʼpiiwa​—stámitohtsipahtsáʼpssiyaawa. Iihtsipáítapiiyoʼpa stámitohtssáísskoyiiwaiksi anníhka matsowáʼpiʼnssimaani.

Otsipáítapiiyssoaawayi stámiiyikóyi niʼtóyi ókoʼsoaawayi, stámomatapómahkitapiwaʼsiyaawa ki onawáíʼniyaawa. Stámiitáʼpiʼniyaawa, ottákoaawayi stámohkáttsiʼniyaawa.

Iʼnííksi áakáísskssksaahkowaʼsiyaawa, áakáíssiksipaitapiiyaawa. Genesis 3:19

Ohtohkánayíístapitapiiyoʼpa Adam ki Eve kiánnáyi ohtáóhkanaiʼnioʼpa. Iʼnííksi máátáyaapiyaawa ki máátáyoohtsimiyaawa ki máátáóhkoihkaʼsiyaawa.​—Ecclesiastes 9:5, 10.

Jehovah máátsitsiihtatsiiwa matápii ááhkáíʼnssaawa. Máátáakattsisamowa Iihtsipáítapiiyoʼpa áakitssksipáítapiiyáttsiyiiwa ómiksska iʼnííksi. Ámoksska iʼnííksi áíʼssksipáítapiiyssaawa, ikkamáyisstsiiyssaawa áakomanistáípaitapiiyaawa.