ÍSSKSINIMÁʼTSTOHKSSINI 9

Tsá Anistsíísi Áakitoʼtstsiiwa Anníhka Matsowáʼpiʼnssimaani?

Ámostsska áʼsokaʼpiistsi annó ksááhkoyi stámohtsiʼtóóhkainakowa Iihtsipáítapiiyoʼpa Otokákihtsimaani áakoʼtssátaʼpissi. Luke 21:10, 11; 2 Timothy 3:1-5

Áʼsokapiistsi áíniiʼpiaawa ánnohk sakóíksistsikoistsi—áíkahtsiiksi, awahkáóótsiiyssini, isttsíístomssini, áíponaakiiksi, pookáíksi máátanistaiʼtoyiiyaawa ónnoaawayi tsááhtaoʼ oksísstoaawayi, ki áípohkiiksi

Anní Naatóyssínaakssini ákaayíssitsinikatooma ohtáakanistaʼpaissisi ánnohk ksistsikóyi. Iitssínaiiʼpa matápii otáakáwaakomiʼtsiʼsaawa iihtáóhpommaoʼpi, pookáíksi máátáakanistaiʼtoyiiyaawa ónnoaawayi tsááhtaoʼ oksísstoaawayi, ki matápii otáaksskaoʼksinahsaawa, ki matápii áakáwaakomiʼtsimiaawa ááhkáíkakaiʼtaamaʼpssaawa.

Máttsitssínaiiʼpa otáakaʼpohpissi ksááhkoyi, ki otáakattsitstsiiʼsi áwahkáóótsiiyssini, matápii otáakáíponiaakssaawa, ki kanáómiaʼnistsisttsiistomssiistsi. Ánnohk áíniiʼpiaawa ámostsska.

Jehovah Otátohkáʼtohtaani iihtáíʼtaamítsinikoyi nínaawa Iihtsipáítapiiyoʼpa Otokákihtsimaani

Jesus máttaaniiwa sokáʼpiiwa áakohtáítsinikatooʼpa Iihtsipáítapiiyoʼpa Otokákihtsimaani áakitapitsinikatooʼpa kanáítapii.—Matthew 24:14.

Iihtsipáítapiiyoʼpa Otokákihtsimaani áaksíístapipoʼtsima makáʼpiiwa. 2 Peter 3:13

Makáʼpitapii áakitáánooksiksistotoayaawa Armageddon, kiánnihkayi Makáʼpatoʼsiwa ki otakáʼpatoʼsiimiksi áakitsstsipísayaawa

Áakoʼtssátaʼpiiwa Jehovah otsitáakaanooksiksistotoahpi kanáókaʼpitapiiksi.

Makáʼpatoʼsiwa ki otakáʼpatoʼsiimiksi áaksstsipísayaawa.

Jesus iitohkitáópiiwa osóópaʼtsisi sspóóhtsi ki kanáómiaʼnistsitapii iikohtsíʼtaamaʼpssiaawa

Ámoksska óóhkáyisstsiiwatsiiksi Iihtsipáítapiiyoʼpa áakáítapikamotaayaawa ikámoʼtaʼpiiwa, otsitssawáttaakitáístsiiʼpi áíkoʼpommiksi ki matápii áakohkottsstákatsiiyaawa ki áakáwaakomimmotsiiyaawa.