Matsowáʼpiʼnssimaani Áakoʼtssátaʼpiiwa!

Ámostsska makáʼpiistsi áíniiʼpistsi annó ksááhkoyi stámohtssksiniiʼpa áakoʼtssátaʼpissi Matsowáʼpiʼnssimaani. Anní Naatóyssínaakssini iitssínaiiʼpi otáaksstonnátokaʼpissi áíʼtapaakoʼtssátaʼpissi anníhka Matsowáʼpiʼnssimaani, ánnohk iitsspiaʼpáíssoʼpa makáʼpiiwa! Anní Naatóyssínaakssini iitssínaiiʼpi otánistáakokaʼpissi, ánnohk ááhkkippssaʼtsiiʼpiaawa ámostsska:

Ómahkawahkáóót­siiys­siistsi. “Iyóóhkiitsitapii áakáóhkaamatsiiwa mattóóhkiitsitapii ki matápiokákihtsimaani áakáóhkaamatsiiwa mattóóhkiitsitapio­kákihtsi­maani.” (Matthew 24:7) Ámohka ikááyissiʼpówahsini ákaanistaʼsiwa. Áakohtsíítoʼtoomatapokstakioʼpa 1914, akaitáístsiiʼpi náátoʼkaayi ómahkawahkáóótsiiyssiistsi ki máttsitstsiiʼpi kanáómiaʼnistawahkáóótsiiyssiistsi. Akáítapohtakáítapiyi ohtsíʼniiksi awahkáóótsiiyssini.

Áakáómoʼtaʼpitaistsiiʼpa isttsíístomssini. “Áakáómoʼtaʼpitaistsiiʼpi isttsíístomssiistsi.” (Luke 21:11) Kátaoʼmanistaʼsiyaawa ámostsska? Áa. Aaníítohkatsisttsiistomssini, mósskitsipahpisttsíístomssini, isttsíkssaisskinaani, iksístoʼsiisttsíístomssini, makáʼpiisttsíístomssini ki ohkanáómiaʼnistsisttsiistomssini akáíkohtakaiʼniyaawa matápiyi.

Áakáónnatohsiiwa aoówahsini. Ítstsiiʼpi matápiyi annó ksááhkoyi máátáísopokohkóoyiiksi. Ííkohtáwaakáítapiyaawa iihtáíʼniiksi matápiyi otáípóniaakssoaawa. Ámohka ohkáttsitsinstsiiwa níítáakssksiniiʼpa áakáóʼtssataʼpissi anníhka Matsowáʼpiʼnssimaani. Anní Naatóyssínaakssini iitssínaiiʼpi: “Áakáónnatohsiiwa aoówahsini.”​—Mark 13:8.

Ksááhkoyi áakáʼpohpiʼyiwa. “Áakáómoʼtaʼpitaistsiiʼpa annó ksááhkoyi otsitáakáʼpohpiʼyihpi.” (Matthew 24:7) Akáánistaʼsiwa ánnohk áakohtsíítoʼtoomatapokstakioʼpa 1914 akáíkohtakaiʼniyaawa matápiyi ohtáʼpohpiʼyssi ksááhkoyi.

Makáʼpiitapiyi. Matápii “áakáwaakomiʼtsimiaawa iihtáóhpommaoʼpi” ki “áakáwaawattawaakomim­motsimohsi­yaawa.” “Máátáakawaakomim­mii­yaawa Iihtsipáítapiiyoʼpa áaksstáánawaako­miʼt­si­miaawa ááhkáíʼtaamaʼpsssaawa.” Pookáíksi “máátáakanistaiʼtoyiiyaawa ónnoaawaiksi ki oksísstoaawaiksi.” (2 Timothy 3:1-5) Kítaʼyáísapiʼtsiiʼpa matápii otánistaʼpáísssaawa ánnohk ksistsikóyi? Máátoohkáíyiniʼyimmiiyaawa Iihtsipáítapiiyoʼpa, ki stámsskitáípiyistotoyiiyaawa ómiksska óóhkohtáíssksinimaʼtsaiksi Iihtsipáítapiiyoʼpa.

Saómmitsskaʼssini. Áakáóhkattsitstsiiʼpa áakaóyi saómmitaʼpiiwa. (Matthew 24:12) Káakohkattáísapiʼtsiiʼpa otsskááʼkaohsi saómmitaʼpiiwa annohk, matápii ohkóíkamoʼsatomoayaawa, áípsstsiksistotoayaawa, tsááhtaoʼ ohkáákanayaawa.

Ámostsska makáʼpiistsi áíniiʼpistsi stámohtsiʼtoohkainakowa Iihtsipáítapiiyoʼpa Otokákihtsimaani áakoʼtssataʼpissi. Anní Naatóyssínaakssini iitssínaiiʼpi: “Áʼyainimmiiniki ámostsska kitáaksstamohtssksiniiʼpa áakoʼtssataʼpissi Iihtsipáítapiiyoʼpa otokákihtsimaani.” (Luke 21:31) Tsá anistápííwaatsiksi Iihtsipáítapiiyoʼpa Otokákihtsimaani? Iihtsipáítapiiyoʼpa Otokákihtsimaani áakohtoʼtaawattaʼtstooʼpa sspóóhtsi, áakohtanatsístotsima ksááhkoyi, áakiitánistaʼpiiwa Matsowáʼpiʼnssimaani. Iihtsipáítapiiyoʼpa Otokákihtsimaani áaksstáánokakihtsimatooma annó ksááhkoyi, máátáakattsitstsiiʼpa matápiokakihtsimaanistsi.​—Daniel 2:44.