Sspóóhtsi itstsííʼpa ohkínníínaawa áakaatóyistotsími ksááhkoyi

41 Jehovah ákaitáóhkitopáttsiwáyi ááhkitaohkínníínaawaʼsiyi annísska Jesus sspóóhtsi.​—Isaiah 9:6; Daniel 7:13, 14; Acts 2:32-36

42 Áakohkanáókákihtsimatooma annóma ksááhkoma.​—Daniel 7:14; Matthew 28:18

43 Kítaiʼsaakiáíssksiniihpa áaksíkiihtoahpi makáʼpiitápiyi?​—Psalm 37:9, 10; Luke 13:5

44 Kítaiʼsaakiáíssksiniihpa áánistohpi óma matóómatóʼsiwa iipahtsáʼpssiwa? Jesus áakohsipóʼtoyiiwáyi ki niʼtóyi ánniksi máttsstsíkiiksi makáʼpatoʼsiiksi. Otáaksiksáakssoaawaiksi áakaanaoksístotoayaawa.​—Hebrews 2:14; Revelation 20:2, 10

45 Jesus áaksskaiʼsoksístotoyiiwaiksi anníksi matápiyi nóóhkáánistaiʼtoyiiksi.​—Hebrews 5:9

46 Máátáakattsitstsiiʼpi áísttsiistomiyi.​—Isaiah 33:24; Revelation 22:1, 2

Kítaiʼsaakiáíssksiniihpa Jesus otaanístssokináápiaahpi áísttsiistomiiksi matápiyi?

47 Ohkanáómiaʼnistsitápiiksi áaksínaaniyaawa sokáʼpiistsi.​—Isaiah 65:17, 21-23

48 Áʼpistotookiwa sakiáíssksinoyiiwaiksi ómiksi matápiiksi ákaiʼniiksi. Áakohtsíssitapiiwa Jesus mááhkssksipáítapiiyáttsaahsaawa. Niitsínihkatooʼpa issksipáítapiiyssini.​—John 5:28, 29; 11:25

49 Áoʼohkanáíʼnitahsaawa makáʼpiitápiiksi máátáakattsitstsiiʼpa áíʼniyi. Ómiksi iʼsímiiksi itáíksowáʼpaomaahkaiksi máátáakattsstonnatáʼpssíyaawa. Ohkanáómiaʼnistsitápiiksi áakomaanistáíʼtáámaʼpssiyaawa.​—Revelation 21:4; Isaiah 65:25; Psalm 37:11, 29