I kuma fɔcogo dɔn

Paul ye min kɛ

WIDEYO: Paul bɛ Atɛnɛkaw waaju

1. WIDEYO lajɛ, walima Kɛwalew 17:​22, 23 kalan. O kɔ, nin ɲininkali ninnu sɛgɛsɛgɛ:

1. Paul ye diinɛ nkalonmaw ka kɛwale minnu ye Atɛnɛ, olu ye mun de kɛ a la?—Kɛwalew 17:16 lajɛ.

2. Sani Paul ka Atɛnɛkaw jalaki, a ye baara kɛ ni u ka dannayakow ye ni bonya ye cogo di walisa ka kibaru duman fɔ u ye?

Paul ka misali bɛ an kalan mun de la?

2. Mɔgɔw ka teli ka sɔn ka an lamɛn ni an bɛ an ka kumafɔtaw sugandi koɲuman, ani ni an bɛ u fɔwaati ani u fɔcogo jateminɛ ka ɲɛ.

Paul ladege

3. I ka kumafɔtaw sugandi koɲuman. Misali la, tuma dɔw la i bɛ kuma mɔgɔw fɛ minnu tɛ krecɛnw ye. O la, ni i bɛna kuma Bibulu kan walima Yesu ko la, laala i bɛ se ka o fɔcogo yɛlɛma dɔɔnin.

4. Kana teliya ka mɔgɔ ka kuma latilen. A to a tigi k’a hakilinata fɔ. Ni a tigi ye fɛn dɔ fɔ min tɛ bɛn ni Bibulu kalansiraw ye, i yɛrɛ minɛ i kana sɔsɔli kɛ. (Yakuba 1:19) Ni i y’a lamɛn, i bɛna a ka dannayakow dɔn ani i bɛna a dɔn fana kun min na a dalen bɛ olu la.—Ntalenw 20:5.

5. Sɔn a tigi ka kuma dɔ ma ani ka a fo ni o bɛ se ka kɛ. A bɛ se ka kɛ ko a tigi dalen b’a la kosɛbɛ ko a ka dannayakow ye tiɲɛ ye. Aw fila bɛɛ sɔnna fɛn min ma, kuma o kan. O kɔ, a tigi dɛmɛ dɔɔnin-dɔɔnin a k’a faamu Bibulu bɛ min fɔ.