Majiginnenya

Paul ye min kɛ

WIDEYO: Paul bɛ masakɛ Agripa waaju

1. WIDEYO lajɛ, walima Kɛwalew 26:​2, 3 kalan. O kɔ, nin ɲininkali ninnu sɛgɛsɛgɛ:

1. Paul ye majiginnenya jira cogo di a kɛtɔ ka kuma masakɛ Agripa fɛ?

2. Paul ye mɔgɔw hakili sama ka taa Jehova ni Sɛbɛnniw kan, a ma u hakili sama ka taa a yɛrɛ kan. A ye o kɛ cogo di?—Kɛwalew 26:22 lajɛ.

Paul ka misali bɛ an kalan mun de la?

2. An bɛ ka cikan min lase, o bɛ diya mɔgɔw ye kosɛbɛ ni an bɛ kuma ni majiginnenya ani bonya ye.

Paul ladege

3. Kuma ni bonya ye. Kana a kɛ iko e de bɛ fɛn bɛɛ dɔn ani ko i barokɛɲɔgɔn tɛ fosi dɔn.

4. A jira k’a jɛya ko i bɛ ka tiɲɛ kuma minnu fɔ mɔgɔw ye, ko olu bɛ Bibulu de kɔnɔ. Ala ka Kuma bɛ se ka nɔ ɲuman bila mɔgɔw miiricogo ani u dusukunnakow la. Ni an bɛ baara kɛ ni Ala ka Kuma ye walasa ka mɔgɔw kalan, u ka dannaya bɛ sinsin jusigilan ɲuman kan.

5. I dusu madalen ka to. Kana a ɲini ka sɔsɔli kɛ walisa k’a jira cogo bɛɛ la ko jo bɛ e de fɛ. I bɛ majiginnenya jira ni i bɛ ta’a fɛ ka i dusu mada ani ni i bɛ i taa tuma dɔn. (Ntalenw 17:14; Tite 3:2) Ni i dusu madalen kumana, o bɛ se k’a to a tigi ka sɔn ka an ka cikan lamɛn siɲɛ wɛrɛ.