KALANSEN 6

A ɲɛfɔ ka jɛya kun min na i bɛ ka tɛmɛsira kalan

Yuhana 10:33-36

BAKURUBAFƆLI: Kana tɛmɛsira kalan dɔrɔn ani ka sin ka tɛmɛn ka taa barokun wɛrɛ la. I bɛ ka tɛmɛsira min kalan, jɛɲɔgɔnya min bɛ o ni i ka barokun cɛ, i jija i lamɛnbagaw ka o faamu koɲuman.

I BƐ SE KA O KƐ COGO MIN NA:

Daɲɛ kolomaw labɔ ka ɲɛ. I kɛlen kɔ ka tɛmɛsira kalan, daɲɛ minnu bɛ kuma i ka barokun yɔrɔ koloma kan, i sinsin olu kan. I bɛ se ka o kɛ i kɛtɔ ka segin segin o daɲɛw kan walima i kɛtɔ ka ɲininkali kɛ min b’a to i lamɛnbagaw ka i ka barokun daɲɛ kolomaw dɔn.

Ni i bɛ baara kɛ ni daɲɛ wɛrɛw ye walasa ka tɛmɛsira hakilina labɔ, jɛɲɔgɔnya bɛ cogo min na Bibulu daɲɛw ni i ka barokun yɔrɔ koloma cɛ, i janto a la ko i lamɛnbagaw bɛ ka ta’a fɛ halisa ka o faamu koɲuman.
I b’a fɛ i lamɛnbagaw hakili ka to fɛn min na i sinsin o kan. Sani i ka tɛmɛsira dɔ kalan, ni i y’a fɔ kun min na i bɛ o kalan, misali la, i ni ye o kɛ walasa ka yɔrɔ dɔ kɔkɔrɔdon, tɛmɛsira daɲɛ kolomaw bɛ o yɔrɔ kɔkɔrɔdon cogo min na o ɲɛfɔ.

Ka i to baro la o tɛmɛsira kan, i ka Bibulu dayɛlɛlen to. O bɛ i lamɛnbagaw dɛmɛ u ka jɛɲɔgɔnya don i ka kumaw ani tɛmɛsira cɛ i bɔra ka min kalan.
Tɛmɛsira waleya cogo ɲɛfɔ cogo nɔgɔman na. I jija i kana ɲɛfɔliw kɛ minnu tɛ i ka barokun kɔkɔrɔdon. I lamɛnbagaw bɛ min dɔn ka ban i ka barokun kan, i sinsinnen to o kan. Dalilu dɔw sugandi minnu nafa ka bon walasa ka tɛmɛsira waleya cogo ɲɛfɔ cogo jɛlen na ani walasa u ka a waleya cogo faamu.