DLƖGÖMÖSƐSƐNƖKÏBHË (3)
Sɛɛ a ˈkää ˈbɔgʋʋ, A nɩ ˗bhölɩ ˈkwädlɩnɩ! ˈmö ghlɛnɩ nzɩ a ˈkä nɩkpɛ Biblë ˈcɩa
Lagɔdaayuëa ˈkää ˈbɔgʋʋ, A nɩ ˗bhölɩ ˈkwädlɩnɩ! ˈcɛlɩɛ yii, wa bhibhe ˗bɛ ˈwʋ Lagɔ ˈn kïbhïï wa ˈkää ˗mä ˈzʋ ˈn wa yiɛ sasɛ dlɩ cɛ ˈpänɩ. A ˈkä sasɛ ˈbɔgʋ ˈlɛ ˈmö ghlɛnɩ a dɔˈwʋʋ, ˗a ˗kä nɩkpɛ Biblë ˈcɩa yi a ˈdɩmözʋwɛlɩɩ wa ɲɩaɲɩɛ, ˈmö a nɩ ˗gänɩ.
A ˗kä ˈcɩɛɛ yi
1. A nɩ ˗gïganɩ sasɛ aɲɩ ˈwlu. ˗Lii ˗yiɲɩ gbʋ plɛnɩɛ ˗mɔ a ˈcɩaa Biblë, ˈɔ cii ɔ ˗wʋä ˈmö, ˈn sɛ ɔ yɩlɩɛ ˗lii ˈwʋ, a nɩ ˈpäni dlɩ cɛ. ˗Lii a ˗mi ɔˈɔɔ bhɛnɩ ɔ ˈkä ˗pa ˈmö ˈnʋʋ, a nɩ tɛlɩ sɛ a ˈci yɩbhlɩnɩ nzɩ a ˈkɔ kwänɩ. ˈBɔgʋ ˈla ˈmö a dɛɛ wa ˈzʋä, “Yilii yɔwʋ” kïbhïï ˗yɩ ˗wʋä ˗lɛ, sɛ yɩ bhɛnɩɛ yɩ ˈkɔ kwänɩɩ, a ˗kä ˈcɩɛ dɔˈwʋ ˗wʋʋ, a nɩ ˈyi ˈylɩmö.
A ˗kä ˈcɩɛ dɔˈwʋ ˗wʋ
2. A ˗kä ˈcɩɛcɩʋ tɛɛ yii, ˈn a ˗käˈɛ zɛmö bhɩɛ yii, ˗mɔ a ˈcɩaa ˗cii ˈmö ˗wanɩɩ, a nɩ bhibhe Lagɔ.
3. A nɩ tɩ ˗bɛ ˈwʋ bhïla. ˈBɔgʋ ˈmö a kïbhï ˗yɩ ˗wʋä ˗mä, ˈmö a nɩ pɩɛnɩ ˈwʋ cuu. ˈN a nɩ ˈtatinɔɔ ˈyi ɔ ˈkä sɛ ɔ pää dlɩ a wɛlɩɩ bhïla.
4. A ˗kä ˈbɔgʋ ˈla a pɩɔ ˗mumuu yɔwʋ yɩlɩɛ yii, pɩɔ ˈla a wäzɩna ˗ɲɛ wʋ ˈmö a ˈcɩɛcɩɛkïbhï ˈsɔ, a nɩ ˗dii ˈŋlɩ.
5. A ˗kä pɩɔ ˈla zɛmö bhɩɛɛ, a nɩ yɩlɩ ˈwʋligbanɩkïbhï yɔwʋ nzɩ a ˈcɩ ˈylɩmö ɔ ˈnɩ ˈsaa ɔ ˈcɩɛ ˈwʋ dlʋ a za.
6. A ˗kä ˈcɩɛcɩɛkïbhï yɔwʋ yɩlɩ dɔˈwʋ ˗wʋ a sɛ a ˈkää ˈzʋ:
(1) A nɩ zɛlɩ zɛmösɛkïbhï ˈmö.
(2) A nɩ zɛlɩ Biblë a gbɛlɩ ˈmö, dɛɛ wa ˈzʋä “Zɛlɩ ˈmö.”
(3) A bhɛnɩˈɛ a ˈkä Biblë a gbɛlɩ ˗mimii ˗yɩ ˗wʋä ˗mä ˈmö zɛlɩ.
(4) A nɩ ylɛ videwi, ˗yiɲɩ yɔwʋ wa ˈzʋä, “ˈZʋ ˗lɛ” (Yɩ ˗kä ˗mä ˈa gbʋ ˈmö ˗bhölɩnɩ).
(5) Biblë a ˈcɩɛcɩɛɲɔɔ, a nɩ ˈyɩbhänɔ ˈkïbhï ˈwuë ˈwʋ, bhʋlʋbhlʋ.
(6) ˈBɔgʋ ˈla ˈmö a dɛɛ wa ˈzʋä “ˈCɩɛ ˗lii ˗mimii,” fotii ˗yɩ ˗wʋä ˗lɛ, a nɩ ˈɲɔ ˈdɩ ɔ ˈki sasɛ ˈyli köbha nzɩ ɔ ˈkä ˈsaa ɔ yɩlɩɛ ˈwʋ a wɛlɩɩ bhïla.
(7) Dɛɛ wa ˈcɛlɩɛ “Sɛɛ ˗n ˈkää ˈzʋ,” ghlɛnɩ ˗lɛ a kïbhëa ˈmö, nzɩ ˗n ˈkɔ kwänɩ ɔ ˈkä ˈyukusɛ mö. ˈN ˈpɔ swɩ ɲɛmʋ ˈmö, ɔ ˈkä ˗lii ˗mimii ɔ yɩbhää ɔ ˈkä nʋʋ a wɛlɩɩ ˈcɛlɩ.
(8) Dɛɛ wa ˈzʋä “Yilii yɔwʋ,” videwi ˗ɲɛ kïbhï ˗mimii ˈsɔ ˗wʋ ˗lɛ. Zaa, dɛɛ Biblë a ˈcɩɛcɩɛɲɔɔ ˗wʋ a˗a ɔɲɩ ˈwlu gïganɩ dɔˈwʋʋ, yɩ glaˈmö a ˗nɩɩ ˗yɩ nɛnɔɔ dlɩ yɔwʋ, a nɩ ˈyɩbhɔ nimï ɔ ˈkä yɩ wɛlɩɩ bhïla.
(9) A nɩ ˈtɛmanɩ ˈyli yɔwʋ a ˈkä ˈcɩɛcɩɛkïbhëa ˈwuë ˗a ˗wʋä yɔwʋ yɩlɩ dɔˈwʋ zɛmö bhɩɛ.
A ˗kä ˈcɩɛ ˈwë
7. ˗Mɔ a ˈcɩaa Biblë, a nɩ ˈpɔ ˈkwädlɩ ˈwʋ dlɩ. A nɩ bhibhe Zoova ɔ ˈkɔ ˈɲu ˈpä, ˈn ɔ ˈkaɲɩˈɛ ˈnɛɛnɔ ˈɲɛ nzɩ a ˈkä sɛɛ a ˈkɔɔ kwänɩ yɩbhlɩnɩ.