Sɛpötablɩ a lagɔwɛlɩɩ biabiʋ -wʋ -wʋä ˈwʋ dɛ a ˈtɛɲɩ ˈmö, La Tour de Garde ˈmö -a ˈkää ˈɲɛ

Mäˈä dʋdʋ ˈwʋ a nɩkpa ˈwuë yɩbhä nɩɩ wa nɩ ˈpʋa dlɩ ˈmö wa -kä yɔlɔylʋ ˈmö -wʋ. (Ec 4:1) Sɛpötablɩ a cʋʋ ˈwuë ˈmö, La Tour de Garde -ɛ bhïlaa nɩkpa a swɩ ɲɛmʋ ˈmö -pä pʋʋ a wɛlɩɩ, ˈmö -a ˈkää nɩkpa ˈɲɛ. -A -kä -a ˈkä ˈyli yɔwʋ ˈtɛmanɩ -a ˈkä peliodikö ˈla nɩkpa a -bɛ ˈɲɛ. Nɩkpa ˈmö -a yɩbhää -a -ɲɛ ˈkä bhïla nzɩ -a ˈkʋa swɩ ɲɛmʋ ˈmö ˈpä. Zaa, ˈligbï -yɩɲɩ ˈmö -bɛ ˈnɩɛ -wʋ, -a nɩ ti -lɛ tɩ.

SƐ -A ˈKÄÄ GBÄ

“-Aa ˈwuë -a yɩbhä nɩɩ, wa nɩ paɲɩ dlɩ ˈmö. Maa dɛ -a ˈkä ɔ swɩ ɲɛmʋ ˈmö -pä wɛlɩ ghlɩ ˈnɩ? [Zɛlɩ 2 Kɔlɛɛtɩ 1:3, 4 ˈmö] Sɛɛ Lagɔ ˈpaɲɩɛ swɩ ɲɛmʋ ˈmö a wɛlɩ, ˈmö La Tour de Garde ˈlɛ sɛnɩɛ ˈmö.”

ˈN ɔ -kä tula nɩɩ, -aˈa lagɔwɛlɩɩ nɛnɔ dlɩ yɔwʋ ˈn ɔ -kä peliodikö ˈwʋ ˈlibhïï, . . .

TULANƆƆ VIDEO WA LAA ˈSAA KÄ BHÄ ˈŊLƖ ˈN A KÄ Ɔ A ˈKÄ BIBLË ˈCƖƐ ˈNƖ? ˈYLIMÖ.

ˈN ˈɲɔ ˈdɩ nɩɩ -n yɩbhä -n -ɲɔ ˈsɔ a ˈkä Biblë ˈcɩɛ.

SƐ -N ˈKƆA ˈWƲ ˈSƆ ˈYLƖMÖÄ MÖ, ˈZƲ -SƖBHÄ

Wɛlɩkïbhëa -aɲɩ zɛmösɛna -n ˈkɔɔ ˈɲɛ -n -kä ˈwʋ ˈsɔ yiɲɩ ˈmö -n nɩ yɩbhänɔ ˈwʋ. -N yi -kamä nɩɩ, “ˈSaa kä ɔ ˈŋlɩ ˈn Lagɔ -wʋ ɔ -lɛ ˈn -a yɔlɔ bhä ˈnɩ?”