Jw.org ˈklʋ a ˈlwɩlili, ˈsaa yɩ ˈcɩaɲɩ ɔ ˈnɩ?

Jw.org ˈklʋ a ˈlwɩlili, yɩ glaˈmö a -mi nɛnɩmö ɔ dlɩ yɔwʋ teɲii ˈnɩ? -Yɩ kä ɔ ˈŋlɩ? -Na dɔˈwʋ, -aˈa zɩkpa ˈmö a ˈsaa plɩɛ ˈkwädlɩ ˈwʋ, ˈmö lwɩ ˈla a videwi tula ɔ -a? -Lii -yɩɲɩ wɛlɩɩ wa bhïla -mä ˈlwɩ ˈla ˈmö, sɛ wa bhlɩɛ ˈlwɩ ˈla, yɩ zɩ nɩkpa a -bɛ a dila kɛ. ˈLɩlɩlɩ a dɔˈwʋ, lwɩ ˈla -ɲɛ yɩ videwii ˈsɔ, ˈbhlibhïle a ˈyize a za wa ˈniɛ -bhɛ.

Jw.org ˈklʋ a lwɩ ˈla ˈwuë, yɩ ˈcɩaɲɩ -lii a -bɛ -a bhɛnɩɛ -a ˈkä ˈmö nɛmönɩ -mä -aˈa zɩkpa ˈmö, ˈn -mä lagɔwɛlɩbialibhoo ˈmö. Lwɩ -mimii, sɛ -a ˈkää -a ˈbhɩa päla, ˈwʋ -wʋnɛ, -wanɩwanɛ, ˈyliyɔwʋtɛɛnɔɔ, -wawʋ ˈn Lagɔ a dlɩtɛɛnɩtɛnɛ a wɛlɩɩ ˈmö yɩ pɩɛnɩɛ ˈwʋ. -Mimii paaɲɩ swɩ ɲɛmʋ ˈmö a ˈkä ˈwʋ ˈsɔ Zoova yinɩ, -a ˈkä -a ˈbhɩa a -lizoku a gbʋ ˈyi ˈtatinɩ, -a ˈkä ˈkwädlɩ Lagɔ -gänɩ ˈyize, ˈn -a ˈkä sɛ tɛlɩ nzɩ -a ˈkä Zoova ˈa libhoo nʋ. ˈLwɩ ˈla glaˈmö a -nʋ -bhlʋ bhïlaˈɛ sɛ -a ˈkää -aˈa -ŋöŋöyukwli ˈmö -susunɩ a wɛlɩɩ. Lwɩ ˈla ˈmö, ˈsaa -n ˈcɩɛ ɔ ˈyɛ?

A NƖ YLƐ ˈLƲLULU A VIDEO WA LAA JUSTE À NOTRE PORTE, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• Lagɔdaayu -bhlʋ -ɲɛ ɔ ˈlɛŋlɔ ˈsɔ -wa yɛ gɔ ˈwë, zɩkö a ˈɲupälɩ -mii wa ˈpänɩ ɔ dlɩ kɛ ˈnɩ?—Gn 12:3

• Sɛɛ -a kɩɛ dlɩ ˈwʋ nɩɩ, Zoova bhɛnɩ ɔ ˈkä zɩkö ˈɔ wɛlɩɩ ˈwuë ˈyli ˈwälanɩɩ, sɛ -a ˈkä ɔ ˈzʋ nzɩ -aˈa dlɩtɛɛnɩtɛnɛ ˈkä ˈmö ˈtumanɩ ˈnɩ?

• -A -ɲɛ -mumuë ˈsɔ, sɛɛ -a ˈkä ɔ zɩkö ˈylɩmö ˈyɩyɩnɩ nzɩ -a ˈkä ˈmäna nʋ ˈnɩ?

• Sɛɛ Lagɔ ˈa ˈKämanɔɔ a dlɩtɛɛnɩtɛnɛ bhɛnɩ bhä ɛ -kaɲɩ kwänɩ -a ˈkä zɩˈɛ a yɔlɔylʋ ˈwuë ˈwlu ˈplɩ ˈnɩ?—Gh 8:25