-A nɩ kä ˈslɛlɛ -mä -aˈa lagɔwɛlɩbialibhoo ˈmö​: -Muë -a ˈcɩaa Biblë, -a nɩ sʋlʋnuë sɛ wa ˈkää waɲɩ ˈwlu gïganɩ

ˈSAA KÄÄ ˈŊLƖ ˈN YƖ KÄÄ DƐSƐ: Wa -kä waɲɩ ˈwlu gïganɩ, ˈsaa wa cɩɛɛ, wa yi ˈmö ˈnʋ ˈn wa yi -pa ˈwʋ ligbanɩ. Sɛ wa nwiɛ ˈmö ˈn wa ligbanɩɛ ˈwʋ, wa yi ˈyukusɛ mö ˈyize. Wa yi badizee ˈwë aˈbhë -kë, wa kä ˈwluyɩbhäyɩbhʋ ˈwʋ möä yi, ˈn wa -käˈɛ lagɔwɛlɩɩ biaa möä yi, wa nɩ gïganɩ waɲɩ ˈwlu. -Lɛ a dɔˈwʋ, ‘wa ˈkäa -ligba wa ˈkä -lɛ glɩ.’ (Mt 25:13) Sɛ wa ˈkää ˈmö ˈzʋzʋnɩ wa ˈkä ˈcɩɛ, wa -kii -yi, wa ˈnɩ ˈcɩɛcɩʋ yɔlʋ ˈwʋ plɛnɩ, yɩ yua kwänɩ -mä ˈwa zɩkpa ˈmö. -A -kä tɛɛ cuu, -a nɩ kwänuë wa ˈkäa ˈkwädlɩ waɲɩ ˈwlu gïganɩ, -a -kä Biblë ˈcɩɛɛ yi.

SƐ -A ˈKÄÄ ZƲ:

• 

  -Bhɛ nzɩ ɔ ˈkä -naˈa gbäpöö -gänɩ. (Gh 2:21) -N -kä -naɲɩ ˈwlu gïganɩ dɔˈwʋ -wʋ, -mɔ -n ˈcɩaa, ˈpä ɔ dɛ dlɩ. (km 11/15 3) -Naˈa ˈbɔgʋ ˈmö a kïbhï -n tliɛ -pɩ -zɛmö, tulanɔɲɩ ˈylimö.

• 

  ˈPɔ swɩ ɲɛmʋ ˈmö, ɔ ˈkä ɔɲɩ ˈwlu gïganɩ. A -kä ˈcɩɛcɩʋ tɛɛ, ˈɲɔ ˈdɩ nɩɩ, ɔ ˈkä ɔɲɩ ˈwlu gïganɩ, yɩ -lɛ Biblë a ˈcɩɛcɩʋ a ke -mämaa. -Li a -lii ɔ ˈkiɛ ˈmö ghlɩnɩ, sʋlʋnɔɲɩ. Sʋlʋnɔˈɛ sɛ ɔ ˈkää ˈzʋ nzɩ ɔ ˈkä ɔɲɩ ˈtɛɲɩ ˈɲɛ, ɔ ˈkäa ɔɲɩ ˈwlu gïganɩ. ˈCɩawaa -mumuë, ˈwa ˈbɔgʋʋ wa gïganɩɛ ˈwlu, wa tliɛ -pɩ ˈmö, ˈmö wa ɲɛɛ -mɔ wa ˈcɩaa Biblë, ˈn ɔ -suuä zlɩ -mɛmɛɛ ˈmö. -Lɛ a dɔˈwʋ ˈbɔgʋʋ -kä ˈwlu gïganɩ, sɛ yɩ nɛnɩɛ, ɔ ˈkɩ ˈylɩmö. -Zlɩ ɔ -kä ˈɔ ˈbɔgʋʋ ˈwlu gïganɩ, bhɩzɔɔ.

• Sʋlʋnɔɔ sɛ ɔ ˈkää ɔɲɩ ˈwlu gïganɩ. ˈCɩawaa -mumuë, wa -ɲɛ nɩkpɛ -kä Biblë a ˈcɩɛcɩʋ tɛɛ cuu, -lɛ a zlɩ ˈla ˈwuë ˈmö, sɛ ɔ ˈkää ɔɲɩ ˈwlu gïganɩ, ˈmö ɔ sʋlʋnɔɔ.