-A nɩ kä ˈslɛlɛ -mä -aˈa lagɔwɛlɩbialibhoo ˈmö: -Mɔ -n ˈcɩaa Biblë ˈnɩ ˈyukusɛ mö, ˈnigba ɔ ˈcɩacɩʋ

ˈSAA KÄÄ ˈŊLƖ ˈN YƖ KÄÄ DƐSƐ: Nɩkpaa -wa ˈkää Zoova ˈmö ˈwinɩɩ, mʋa ˈkää ˈpʋpʋɛ ghlɩ. (Gh 10:13, 14) ˈLɩlɩlɩ a dɔˈwʋ, -wa ŋluä ˈwʋ wa ˈkä Biblë ˈcɩɛɛ, wa ˈwuë mʋa ˈnɩɛ Zoova ˈa ˈpäpägböö -gänɩ. -A nɩ ˈlibhï -aˈa ˈtɛɲɩ ˈwʋ, -a ˈkä lagɔwɛlɩɩ bia, nzɩ -wa yɩbhää wa ˈkä ˈmö zigbonɩ, wa ˈkä Lagɔ dlɩ yɔwʋ nɛnɩmanɩ, -a ˈkʋa kwänɩ. -A -kä -bɛ ˈwʋ nɩkpɛ Biblë ˈcɩa ˈn ɔ ˈnɩ ˈyukusɛ mö, -a nɩ ˈnigba ɔ ˈcɩacɩʋ. Nzɩ -a ˈkä -muë Zoova wäzɩnɩɛ ɔɲɩ ˈwʋ, ˈn ɔ wäzɩnɩˈɛ -mä ˈɔ ˈwlugïganɩzɩkpa ˈmö kwänɩ. (Zh 6:44) -Mɔ -a ˈcɩaa Biblë, ˈtɛɲɩ -kä ˈplɩ ˈn ɔ -kä ˈmö zigbonɩ, ɔ -kä tula nɩɩ, ɔ yɩbhä ɔ ˈkä ‘nɩkpa ˈwuë Lagɔ -sɛ -lɛ nzɩ ɔ ˈkʋa ˈɔ ˈpɩwʋlelea ˈɲɛ’ a glaˈmö a -nɔ glɩnɩ, -lɛ a dɔˈwʋ, -a bhɛnɩ -a ˈkä ˈwʋ ˈsɔ Biblë a ˈcɩɛcɩʋ tɛɛnɩ.—Zt 13:48.

SƐƐ -N ˈKÄÄ ˈZƲ:

• Bhɩzɩ -mɔ -n ˈcɩaa Biblë, sɛ ɔ ŋluä ˈwʋ ɔ ˈkä Lagɔ ˈa wɛlɩɩ -yɩ kää dɛsɛ yɩbhlɩnɩ a za.—1Ti 2:4

• Ɔ -kä ˈsaa ɔ cɩɛɛ ˈklʋkpamö ˈzʋ a sɛ yɩ kää dɛsɛ, mö -n nɩ pɩɛnɩ ˈwʋ.—Lk 6:46-49

• Glʋglʋɲɔ a ninea Zezwii ˈpää, a nɩ yɩlɩ a wɛlɩɩ yɔwʋ ˈn ˈsaa kää ˈŋlɩ, ˈɔ ˈnɩɛ bhɛnɩ ɔ ˈkä ˈyukusɛ mö, ˈɲɔ ˈdɩ ɔ ˈki dlɩ kɛ ˈpänɩ.—Mt 13:18-23

• ˈƝɔ ˈnɛgösɛ ˈdɩ, -yɩ kää ˈŋlɩ ˈn -n yiɛ ɔ ˈcɩacɩʋ ˈnɩgba.

• ˈƝɔˈɛ ˈdɩ nɩɩ, -n yo ˈkwädlɩ ˈylɩmöä mö ˈyize, -n ˈkɔ swɩ ɲɛmʋ ˈmö ˈpä, ˈn ɔ -kä ˈyukusɛ mö, a ˈkä Biblë a ˈcɩɛcɩʋ ˈwʋ ˈsɔ tɛɛnɩ.

A NƖ YLƐ VIDEO ˈN A YƖLƖ KÏBHÏ ˈLƐ YƆWƲ:

• Nɩkpɛ a -mɔ wa ˈcɩaa Biblë, -ɔ ˈnɩ möä ˈyukusɛ -mä lagɔwɛlɩɩ ˈmö, sɛ wa ˈkɔɔ ˈdɩ ˈɲɛɛ, ˈsaa yɩ ˈcɩamö ɔ ˈnɩ?

• -Mɔ lagɔwɛlɩbiaɲɔ ˈcɩa Biblë, sɛ ɔ kwänɔɔ bhä ˈn ɔ yi bhä ˈmö ˈnʋ nɩɩ, ɔ kä ɔ ˈkä ˈmö zigbonɩ ˈnɩ?

• Sɛɛ lagɔwɛlɩbiaɲɔɔ tula ɔ nɩɩ, -mɔ ɔ ˈcɩaa Biblë, -zlɩ ɔ -kä ˈmö -bhɩɔ ˈn wa ˈkää ˈwʋ ˈsɔ Biblë a ˈcɩɛcɩʋ tɛɛ?