Ghlɛnɩ nimïyɩbhäkïbhï ˈmö

Zoova “Lagɔ a -mɔ -wʋä ˈmäna ˈmö, ˈmö ɔ glɩnɩɛ,” ɔ yɩbhä nɩɩ, -aˈa lagɔwɛlɩbialibhoo nɩ zʋʋɲɩ ˈmäna dlɩ zɛmö. (1Ti 1:11) -Aˈa slɛlɛ ˈkä ˈwʋ gbanɔ a za, sɛɛ -a ˈtɛmanɩɛ ˈyli yɔwʋ ˈyize -mä lagɔwɛlɩbialibhoo ˈmö, -sɩbhä ˈmäna zumanɩɲɩɛ dlɩ zɛmö ˈyize. -A -kä nɩkpa ˈkibhï ˈwʋ ˈyɩbhänɩɩ, mii ˈkʋa -mä ˈsunɩ wa -kaɲɩ sasɛ ˈyukwli -pʋnɩ. ˈN ˈlɩlɩlɩ a dɔˈwʋ, -sɩbhä -a kää -a ˈkä ˈzʋ, nzɩ -a -ɲʋa ˈsɔ -a ˈkä ˈdɩsɛsʋ tɛɛ. Nimïyɩbhäkïbhïï, mii ˈkʋa -mä ˈsunɩ wa ˈkä sɛɛ wa pää dlɩ a wɛlɩ ˈmö -sɛnɩ. (Mt 22:41-45) -A -kä nɩkpɛ ˈkïbhë ˈwʋ ˈyɩbhänɩɩ, ˈn -a -kɔɔ ˈtɩɩ ˈyukwli -pʋnɩɩ, dɩ -a ɲɔɔ daˈa nɩɩ ‘-N kä na dɔˈwʋ dɛsɛ.’ (Zk 1:19) -A -kä nɩkpɛ ˈkïbhë ˈwʋ ˈyɩbhänɩɩ, a sɛ ɔ ˈkaa zɛmö -sɛɛ, mii -kaɲɩɛ kwänɩ -a ˈkä sɛɛ -a -ɲɔɔ ˈkää ˈdɩ -sɛ yɩbhlɩnɩ.

A NƖ YLƐ VIDEO, NƖKPA -KÄ ZEZWII A -NƲA ˈZƲ A ˈMÄNA YƖ KÄÄ ˈMÖ, -A NƖ GHLƖMAA, -A NƖ KÄ ˈSLƐLƐ: -A NƖ ˈYƖBHÄNƲA NIMÏYƖBHÄKÏBHÏ ˈWƲ, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• 

  -Wʋwʋsaa a kii -mi nɛnɩ ɔ -Tlɛŋwanɩ tula ɔ ˈnɩ?

• 

  Sɛɛ Neta ghlɛnɩ ɔ nimïyɩbhäkïbhï ˈmö ˈn ɔ yi ɔ -Tlɛŋwanɩ ˈylimö tulanɩ nɩɩ, ɔ gbʋ plɛnɔ ˈnɩ?

• 

  Sɛɛ Neta ghlɛnɩ ɔ nimïyɩbhäkïbhï ˈmö, ˈn lagɔwɛlɩɩ yi ɔ -Tlɛŋwanɩ ˈmäna ˈwʋ -bhömanɩ ˈnɩ?

• 

  Sɛɛ Neta ghlɛnɩ ɔ nimïyɩbhäkïbhï ˈmö, ˈn ɔ yi -Tlɛŋwanɩ kwänɩ ˈn ɔ yi ɔ dlɩ ˈpä, ˈn ɔ yi ɔ sɛ ɔ pää dlɩ a wɛlɩ bhïla ˈnɩ?