Zɩ nɩkpa a dila kɛ

Lagɔ a ˈklʋkpamözʋzwɛ, -mä nɩkpɛ a dlɩ zɛmö -mä ɛ ˈbhöönɩɛ. (Pr 3:1) Zaa, -a -kä nɩkpɛ Biblë ˈcɩa dɔˈwʋ -wʋʋ, -a nɩ tɛlɩ sɛ -a ˈkä ˈɔ dlɩ kɛ zɩ. Maa sɛɛ -a ˈkä ɔ ˈzʋ ˈnɩ?

-A nɩ to Biblë ˈmö a wɛlɩɩ a ˈyize ˈcɩa, maa -a nɩ kwänɔ nzɩ sɛ ɔ ˈkɩɛ -gänɩ -mä ˈɔ zɩkpaa ˈmö, ɔ ˈkä -sɩbhä yɩbhlɩnɩ. ˈN ɔ ˈkäˈɛ ˈylɩmö nɩɩ yɩ bhɛnɩ yɩ ˈkä ˈŋlɩ -kä ɔ -ɲɛ Zoova ˈsɔ a ˈwʋ -wʋnɛ ˈkä ˈmö ˈtumanɩ. Kwänɔ ɔ ˈkɩ ˈmö ˈnʋ nɩɩ, Biblë a ˈpäpägböö tula nɩɩ Zoova -waɲɩ, dlɩ zɛmö ɔ nɛnɩɛ ˈn -kpöö ˈwʋ ɔ -wʋä. ˈYɩbhänɔ ˈnɛgösɛ ˈkïbhï ˈwʋ, -yɩ ˈkɔɔ kwänɩ ɔ ˈkä ɔɲɩ ˈmö vɩɛ, nzɩ ˈsaa ɔ cɩɛɛ daˈa, ɔ ˈkä sɛɛ ɔ pää yɩ dɔˈwʋ dlɩ ˈylɩmö. ˈƆ dlɩpäsazokwëa ɛ -kaˈɛ ˈɔ nʋnʋlizokuu, ɔ -kɩɩ kɛˈmö -sɛ, sɛ yɩ ˈkɔɔ -li a -lii ˈwlu nʋʋ, kwänɔ ɔ ˈkɩ dlɩ kɛ ˈpänɩ. -Mɔ -n ˈcɩaa Biblë, -n -kä ˈylɩmö nɩɩ ɔ -wa ˈɔ dlɩ ˈwuë ˈmö Zoova, yɩ yi gbä ˈmäna -yimö teɲii dlɩ zɛmö zumanɩ.

A NƖ YLƐ VIDEO, NƖKPA ˈKÄ ZEZWII A -NƲA ˈZƲ A ˈMÄNA YƖ KÄÄ ˈMÖ, -A NƖ GHLƖMAA. -A NƖ KÄ ˈSLƐLƐ: -A NƖ ZƖ NƖKPA A DILA KƐ, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• 

  -Yɩ kä ɔ ˈŋlɩ ˈn Neta yi ɔ -Tlɛŋwanɩ nimï ˈyɩbhä nɩɩ, wɛlɩɩ -a bhïla a-a zɩla, -n kɩ ɔ dlɩ kɛ ˈpänɩ -a?

• 

  Sɛɛ Neta kwänɩ ɔ -Tlɛŋwanɩ ˈn ɔ yi ɔ ˈylɩmö nɩɩ, Biblë a ˈpäpägböö tula nɩɩ Zoova -wɔɔ ˈnɩ?

• 

  Sɛɛ -Tlɛŋwanɩ ˈkää tula nɩɩ ɔ -waa Zoova, sɛɛ Neta kwänɔ bhä ˈn ɔ yi bhä -sɩbhä dlɩ kɛ ˈpänɩ ˈnɩ?