-A nɩ pälɩ dɛsɛkäkïbhï ˈwʋ

-A -kä nɩkpɛ ˈylɩmöä mö, -a -käˈɛ nɩkpɛ Biblë ˈcɩa dɔˈwʋ -wʋʋ, -a nɩ kwänɔ ɔ ˈkä dɛsɛkäkïbhïï ˈmö ˈnʋ. -A -kä dɛsɛkäkïbhïï a za wɛlɩɩ ˈwʋ pälɩɩ, -a yi ɔ dlɩ kɛ zɩ, ˈn ˈsaa -a ˈcɩɔ ɔ yi ˈwʋ ligbanɩ ˈyize.

-N -kä -naɲɩ ˈwlu gïganɩ dɔˈwʋ -wʋʋ, -n ˈkä nɩkpɛ ˈylɩmöä mö, -n ˈkäˈɛ nɩkpɛ Biblë ˈcɩa mö, dɛsɛkäkïbhïï -yɩɲɩ za -n yɩbhää -n ˈkä wɛlɩɩ ˈwʋ pälɩɩ, gbäzɩɩ sasɛ ˈmö. Maa tɩ -lii ˈtikïyiea ˈwuë a wɛlɩɩ bhïla. -Lii a -mi -a yɩɛ ˈkwädlɩ ˈylɩmö -ma -aˈa zɩkpaa ˈmö, wa bhɛnɩɛ wa ˈkä -pa ˈmö ˈnʋʋ, -sɩbhä a wɛlɩɩ mö -n nɩ pälɩ ˈwʋ. (Mt 5:14-16; Mk 2:21; Lk 14:7-11) -N -kä -sɩbhä ˈzʋä yii, -ɔ -pʋnɩmöä ˈyukwli, ˈɔ ˈbɛyɩ a ˈzʋzʋsaa ˈn ˈɔ libhoo ɔ nʋä ˈkwädlɩ, mö -n nɩ ˈpä ˈwʋ dlɩ. (Lk 5:2-11; Zh 4:7-15) Ɔ -kɩɩ sasɛ ˈmö ˈnʋ ˈn yɩ -kɔɔ ˈmäna dlɩ zɛmö ˈzʋʋ, -naˈbhë yɩ -yimöˈɛ -naa ˈmäna dlɩ zɛmö ˈzʋmö.

A NƖ YLƐ VIDEO, NƖKPA -KÄ ZEZWII A -NƲA ˈZƲ A ˈMÄNA YƖ KÄÄ ˈMÖ, -A NƖ GHLƖMAA, -A NƖ KÄ ˈSLƐLƐ: -A NƖ PÄLƖ DƐSƐKÄKÏBHÏ ˈWƲ; ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• 

  Nɩkpɛ a -mɔ wa ˈcɩaa Biblë, -yɩ kä ɔ ˈŋlɩ ˈn wa kä ɔ wa ˈkɔ kwänɩ nzɩ ɔ ˈkä Biblë a gbɛlɩ ˈmö ˈnʋ ˈnɩ?

• 

  Wɛlɩɩ a -mi Neta pälɩ ɔ ˈwʋ ˈn ɔ yi ɔ Ghlɔɔmö 5:12 ˈmö a wɛlɩɩ ˈmö -sɛsɛnɩ ˈnɩ?

• 

  Wɛlɩɩ -a ˈkää ˈwʋ ˈpälɩ, -a -kɩɩ sasɛ ˈmö gbäzɩɩ, ˈsaa yɩ ˈkä ɔ -ɔ -pʋnɩɲɩɛ ˈyukwli ˈwlu nʋ ˈnɩ?

• -Mä lagɔwɛlɩbiabɛyɩ, videwi -ɲɛ -lii -miˈla ˈwuë ˈsɔ, Zoova ˈa ˈwlugïganɩzɩkpaa ɲɩaɲɩɛ, -yɩ kä ɔ ˈŋlɩ ˈn -a kä ɔ -a ˈkɩ libho ˈmö nʋnɩ ˈnɩ?