A nɩ bhïla ˈa ˈkwädlɩ a saa

ˈSaa Filiipö nʋ ɔ ˈnɩ?

VIDEO: Filiipö yɛ Etiopii a nɩkpɛɛ lagɔwɛlɩɩ ˈɲɛ

1. A nɩ ylɛ VIDEO, a ˗käˈɛ ˗waa, a nɩ zɛlɩ Nʋnʋlii 8:​30, 31 ˈmö. ˈN a nɩ yɩlɩ nimïyɩbhäkïbhï ˈlɛ yɔwʋ:

1. (1) Sɛɛ Filiipö ˈzʋ ɔ ˈn ɔ ˗ɲɛ nɩkpɛɛ ˈsɔ yi ɔ ˈdɩsɛsʋ tɛɛ ˈnɩ?

2. (2) Sɛɛ ɔ ˈzʋä ˈn wa yiɛ ˈdɩsɛsʋ tɛɛ, ˈn ɔ yoo ˗lii ˈlili sʋlʋnɩ, ˗yɩ kä ɔ ˈŋlɩ ˈn yɩ nɛnɩ ɔ ˈnɩ?

ˈSaa ˗a cɩɛ ɔ Filiipö a dɛ ˈnɩ?

2. ˗A ˗ɲɛ nɩkpɛ ˗kä ˈdɩ ˗sɛ dɔˈwʋ ˗wʋʋ, sɛɛ ˗a bhïlaa ˈkwädlɩɩ, ˗a ˗kä ˗sɩbhä bhïlaa, ɔ yi ku ˈmö ˗bulonɩ ˈn ɔ yiɲɩ sasɛ ˈyukwli ˗pʋnɩ.

A nɩ ˗gänɩ Filiipö ˈa gbäpöö

3. A nɩ köbha sasɛ ˗lii ˈyli. ˗Mɔ a ˗ɲɛ ˗wʋä bhïla dɔˈwʋʋ, sɛ ɔ ˗wʋwʋnɩɛ ˈmö, a nɩ köbhɩɩ sasɛ ˈyli. Ɔ ˗kä bhïla dɔˈwʋ ˗wʋ a sɛ ɔ yɛkaa, ˈn sɛ ɔ ˈklʋ ˈmö ˗wʋä, a ˗kii sasɛ ˈyli köbha, yɩ yeaɲɩ kwänɩ ˈn a yi ˗lii a ˗bɛ yɩbhlɩnɩ ɔ dɛ. “Ɔ yɩbhä ɔ ɔ ˗ɲɛˈmö ˈsɔ ˈkä ˈdɩ ˗sɛ ˗a?” A ˗kä nɩkpɛ Biblë ˈmö a wɛlɩɩ ˈɲɛɛ yii, a bhɛnɩ a ˈkä gbä nɩɩ, “˗N ˗yi ɔ sɛ nɩɩ. . . ?” A kä sɛ ˗yi nɩɩ, ɔˈɔɔ ˈyɩbhä ɔ ˗ɲɛ abhʋa ˈsɔ ˈkä ˈdɩ ˗sɛɛ, ˗a nɩ tɔ ˈwlumö köbhänɩ.

4. A nɩ ˗kpaanɩ dlɩ ˈmö. A nɩ tɩ dlɩ ˈpä nɩɩ, a ˗kä nɩkpɛ ˈylɩmö cuu, a kä ˗a ˈkɔ ˗gba ˗bhlʋ ˗kpɔ ˈmö gbëawɛlɩɩ ˈɲɛ. A nɩ ˗kʋnɩ ˈtɛɲɩ a ˗tɛɲɩɩ ˈwë, nzɩ ˗a ˈkɔ bhla Biblë ˈmö a gbëawɛlɩɩ ˈɲɛ. Mii sɛɛ zɛmö nɩɩ, a bhɛnɩ a ˈkä ˗kʋnɩ, nzɩ ˗a ˈkɔɲɩ käbözlɩ ˈmö ˈɲɛ.

5. A bhɛnɩ a ˈkä sɛɛ a ˈkää gbä ˈmö zigbanɩ. ˗Mɔ a yɩbhää a ˈkä lagɔwɛlɩɩ ˈɲɛɛ, ɔ bhɛnɩ ɔ ˈkä käböwɛlɩ bhïla. ˗Sɩbhä a ˗lii ˗kä ˈwʋ ˈplɩ, sɛ a ˈkäa gbää, a bhɛnɩ a ˈkɩ ˈmö zigbanɩ nzɩ a ˈkä ˈɔ wɛlɩɩ ɔ bhïla ˈmö ghlɛnɩ, a ˈkɔ Biblë ˈmö a gbëawɛlɩɩ ˈɲɛ.