Ghlɛnɩ nimïyɩbhäkïbhï ˈmö

Matie 16:13-16

ˈSAA -N ˈKÄÄ NƲ: ˈNɛgösɛ, ˈyɩbhänuë ˈkïbhï ˈwʋ, -yɩ ˈkʋa -mä ˈsunɩ, wa ˈkä ˈmö -bhɩɔ wa ˈkä ˈcɩɛ. Sɛ -n ˈkää ˈzʋ, wa ˈkä kïbhï ˈla dlɩ kɛ ˈpänɩ, ˈzʋ -sɩbhä. ˈN ghlɛnɩ nimïyɩbhäkïbhï ˈmö -n ˈkä dɛsɛkäkïbhï ˈwʋ pɩɛnɩ.

SƐƐ -N ˈKÄÄ ˈZƲ:

• ˈYɩbhänuë ˈkïbhï ˈwʋ, -yɩ ˈkʋa -mä ˈsunɩ, wa ˈkä ˈmö -bhɩɔ wa ˈkä ˈcɩɛ. ˈYɩbhänuë ˈkïbhï ˈwʋ, -yɩ ˈkää -bhɛ, wa ˈkä sɛ tɛlɩ nzɩ wa ˈkä yɩ zɛmösɛna ghlɩ.

• Sɛ -n ˈkää ˈzʋ wa ˈkä -naˈa wɛlɩɩ dlɩ kɛ ˈpänɩ, ˈzʋ -sɩbhä. Kwänɩ ˈyukwlipʋnɩwaa wa ˈkɩ ˈylɩmö nɩɩ, -naˈa wɛlɩɩ ˈwuë -tiawɛlɩɛ. Zaa, ˈyɩbhänuë ˈkibhï ˈwʋ, wa ˈkä sɛ -yi nɩɩ, kïbhëa a -wʋä yɔwʋ yɩlɩ dɔˈwʋ a zɛmösɛna kä gbëaa ˈmö.

• Pɩɛnɩ dɛsɛkäkïbhï ˈwʋ. -N -kä kïbhëa -a kää dɛsɛ a wɛlɩɩ bhïlaa yi, kibhëa -a ˈkää -bhɛ, wa ˈkä sɛ tɛlɩ, wa ˈkä a zɛmösɛna yɩbhlɩnɩ, mö -n nɩ ˈyɩbhänuë ˈwʋ. ˈN -n -kä dɛsɛkäkïbhï ˈwʋ pɩɛnɩɛ yi, a -kä ˈa ˈdɩsɛsʋ zɛmö bhɩɛ yi, ghlɛnɩ ˈwʋligbanɩkïbhï ˈmö.