ˈCƖƐCƖƐKÏBHË 4

-N -kä Biblë a gbɛlɩ ˈmö zɛlɩɛ yi a sɛ -n ˈkää ˈzʋ

Matie 22:41-45

ˈSAA -N ˈKÄÄ NƲ: N -kä Biblë a gbɛlʋ ˈmö zɛlɩɛ yi, sɛ -n ˈkää ˈzʋ -n ˈkä ˈyukwlipʋnɩwa -mä ˈsunɩ wa -kamö sasɛ ˈyukwli -pʋnɩ, ˈzʋ -sɩbhä.

SƐƐ -N ˈKÄÄ ˈZƲ:

-Yɩ kää ˈŋlɩ -n ˈkää Biblë a gbɛlʋ ˈmö zɛlɩ, ˈpɩ dlɩ ˈwʋ. -N -kä Biblë a gbɛlʋ ˈmö zɛlɩɛ yi, sɛ -n ˈkää ˈzʋ ˈn yɩ ˈkää -wa -pʋnɩmöä ˈyukwli kwänɩ, wa ˈkä sasɛ gbɛlʋ ˈla a dɛsɛkäkïbhï -n ˈkää ˈwʋ pɩɛnɩ ˈmö ˈnʋ, ˈzʋ -sɩbhä.

Sɛɛ -lii ˈplɩplɩnɩɛ ˈmö, ˈn ˈwa yiɛ Biblë a gbɛlʋ ˈla ˈcɛlɩ, -sɛsɛni -gömö. -Ɔ bhïlaa wɛlɩ ˈla, ɛ -käˈɛ -ɔ ˈceliɛ, -n -kɔɔ ˈŋlɩ -dɩɛ yi, -naˈbhë kɩ dlɩ ˈwʋ nɩɩ, mɔɔ -tiamö.
-N -kä ˈcɩa dɔˈwʋ -wʋ, ghlɛnɩ ˈkwädlɩ Biblë ˈmö. Nɩkpɛ a -mɔ ˈtɛɛnɩɛ Lagɔ dlɩ, -n -ɲɔɔ ˈsɔ -kä ˈdɩ -sɛ dɔˈwʋ -wʋ, tulanɔɔ ˈylimö nɩɩ, Biblë -lɛ “Lagɔ a ŋli a wɛlɩɩ.” -Sɩbhä a dɔˈwʋ, ɔ ˈkä sɛ -yi nɩɩ, Lagɔ ˈa dlɩpäsaa ˈmö -n ˈcɩa.
Sɛɛ -n ˈkää ˈzʋ, wa ˈkä Biblë a gbɛlʋ ˈla a ˈmözɛlɩzɛlɛ ˈyukwli -pʋnɩ, ˈzʋ -sɩbhä. ˈYɩbhänuë ˈkïbhë ˈwʋ, -aɲɩ -zɛmösɛna -wʋä -mä gbɛlʋ ˈla ˈmö. Wɛlɩɩ -yɩɲɩ dɔˈwʋ gbɛlʋ ˈla bhɛnɩɛ wʋ ˈkʋa kwänɩ wa ˈki ˈwlu ˈplɩ, ˈn sɛɛ gbɛlʋ ˈla ˈkʋa kwänɩ wa ˈkä Biblë ˈmö a ˈpäpägba -bhlʋ ˈmö ˈnʋ, bhïla yɩ wɛlɩɩ.

Biblë a gbɛlʋ ˈn ˈsaa -n ˈkää ˈmö -sɛnɩ, yɩ dɔˈwʋ, ˈsaa ˈyukwlipʋnɩwaa -yiɛ, ˈpɩ dlɩ ˈwʋ. Wa yi Biblë a gbɛlʋ ˈla -yi aˈbhë -kë, sɛ -n ˈkää ˈzʋ, wa ˈkä yɛˈmö tɩta nzɩ wa ˈkä sɛ -n ˈkʋˈɛ zɛmö -sɛ ˈmö ˈnʋ, ˈzʋ -sɩbhä.