SIKÔLÔ 4
Va’a bôt évé ya lañ éfuse ya Bible
Matthieu 22:41-45
ÔBALEBAS: Ôsusua na wo lañ éfus éziñ, va’a bôte ba vô’ôlô wo nkômbane ya lañe je.
AVAL Ô NE BO JAM ETE:
Taté’é yem amu jé wo yiane lañ éfus éte. Ôsusua na wo lañ éfus éziñ, bo’o na bôte ba vô’ôlô wo be yeme miñye’elane wo kômbô ve be a zene ya éfus éte.
Liti’i bôte ngule Bible a bili. Nge bôte ba vô’ôlô wo ba buni Zambe, liti’i be na Bible a ne Mejô me Zambe. Éyoñe wo bo nalé, wo liti be na Kalate Zambe a ne anjeñe ya nya fe’e.
Volô’ô be na be nye’e Kalate Zambe. Sili’i bôte ba vô’ôlô wo avale nsili éyalan é ne Bible été, kate’e be mbia jame Bible étam a ne kôm, ô ne fe kate be ñye’elane Bible étam a volô na bi kôme wôk.