Te ko woñe ya kañete

Jame Yésus a nga bo

VIDÉO: Yésus a kañete Zachée

1. Yene’e VIDÉO, nge ke na lañe’e Luc 19:​1-7. Mvuse ya valé fase’e minsili mi:

1. Jé é mbe ve bo na bôte béziñe be sa’ale Zachée?

2. Ve akusa bo nalé, jé é nga tindi Yésus na a kañete nye mbamba foé?

Éve’ela Yésus ja ye’ele bia jé?

2. Bi nji yiane ko woñe ya kañete avale môt ése foé ya Éjôé.

Bo’o ane Yésus

3. Tabe’e ndi a Yéhôva. Nsisime Zambe ô nga ve Yésus ngule ya kañete. Nsisim ôte ô ne fe volô wo. (Matt. 10:​19, 20; Luc 4:18) Sili’i Yéhôva na a ve wo ngule ya kañete bôte wo ko woñ.—Mame mi. 4:29.

4. Te sa’ale avale bôt éziñ. Bi ne ko woñe ya kañete bôte béziñ, éko éziñ amu éyeka’a jap, amu be bili abui akum nge ke amu be ne azoé. A ne fe bo amu fatan ényiñe jap, nge ke amu ñyebe wop. Ve te vuane na:

1. Yéhôva ba Yésus be ne ngule ya lañe minlem; bi bi vo’o bo de.

2. Yéhôva a ko avale môt ése éngôngol.

5. Te ko bôte woñ, ve bo’o ésemé a ntyel. (Matt. 10:16) Sa’ale’e môman. Nge môt a nji kômbô vô’ôlô mbamba foé nge ke na ô lôô ve ane mbia jam a zu kui wo vôm ate, a ésemé ése telé’é minlañ a môt ate.—Mink. 17:14.