Ye mbamba mefoé m’aso fo’o be Zambe?

1. Za ane Mbôndé Kalate Zambe?

Kalate Zambe a ve bia mbamba foé nyi: bôte b’aye nyiñe nnôm éto e si va. (Besam 37:29) Kalate Zambe a bili bone bekalate 66. Zambe a nga belane bezôsô be bôt 40 na be tili nye. Môze nnye a nga tili ba betane b’ataté, bebé ­mimbu 3 500 mi lôteya. Kalate a su’ulan, nlômane Jean nnye a nga tili nye, den a ntoo mimbu 1 900 a mvuk. Bôte be nga tili Kalate Zambe, be nga tili asimesane za? Zambe a nga belane mbamba nsisim wé na, a kalane betili Kalate Zambe asimesane dé. (2 Samuel 23:2) Be nga tili asimesan Zambe sake éñdap. Ajô te Kalate Zambe a so be Zambe.​—Lañe 2 Timothée 3:16; 2 Pierre 1:20, 21.

Yene’e vidéo a ne nlô ajô na Za a ne nlô ya Kalate Zambe?

2. Aval avé bi ne tu’a yeme na Kalate Zambe a so be Zambe?

Bia yeme na Kalate Zambe a so be émien, amu a tu’a kate bia mam ma ye bobane melu ma zu. Te ke môt éziñ a ne de bo. (Josué 23:14) Zambe ya ngul ése étam, nnye a ne de bo, a ne kate mam m’aye bobane melu m’azu, teke kop.​—Lañe Ésaïe 42:9; 46:10.

Kalate a so be Zambe a yiane bo ngum avale dé. Kalate Zambe a ne fo’o nalé. Be kabeya bizu’u bekalate Zambe abui minkobô. Akusa bo nnôm, a lu’an a Ñyemane Mam ya bôt. Betili 40 be nji selane metyiñ. Jôme Kalate Zambe a jô mfa’a ya nye’an, ja liti na Kalate ate a so fo’o be Zambe ya nye’an. A ne fe ngule ya bo na, bôt be kôñelane minlem miap. Beamu bete ba yemete mbunane bizu’u bi bôt, na kalate ate a so fo’o be Zambe.​—Lañe 1 Bethessalonicien 2:13.

Yene’e vidéo a ne nlô ajô na Aval avé bi ne yeme na Kalate Zambe a ne benya mejôô?

3. Foé fé é ne Kalate Zambe été?

Nlô éfia ya Kalate Zambe mfa’a ya mbamba mefoé wo liti na, Zambe a bili nkômbane (ôvañ) mfa’a ya émo ji. Mejô me Zambe ma timin, avale môt a binam a nga jañelé mvome ya nyiñ e Paradis e si va. A liti fe aval avé si j’aye beta bo Paradis.​—Lañe Nlitan 21:4, 5.

Mejô me Zambe me bili metiñ, melep a miñye’elan. Kalate Zambe a bili fe bive’an bia liti, aval avé Zambe a mbe a wulu a bôt. Mvuse bive’an bite, bi ne yé’é avale môt avé Zambe ané. Nde ñhe, Kalate Zambe a ne volô wo na ô yeme Zambe. A timine fe aval avé ô ne bo mvôé jé.​—Lañe Besam 19:7, 11; Jacques 2:23; 4:8.

4. Ô ne bo aya asu na ô wôk Kalate Zambe?

Nsoé kalate wu, ô ne volô wo na, ô tu’a wôk Kalate ­Zambe avale Yésus a nga ye’ele bia. A nga too a lañe bifuse ya Kalate Zambe. A ve be “ngule ya yeme mejô ya Kalate Zambe.”​—Lañe Luc 24:27, 45.

Abui mam é nji nambe bia nlem ane mbamba mefoé ya Kalate Zambe. Abui bôt da biasé mejô me Zambe, ba bevo’o ki mejô mete ma deñele be. Ve te bili ate’e nlem, ényiñe ya nnôm éto é tii a ñyemane wo ye yeme Zambe.​—Lañe Jean 17:3.