NLÔ AJÔ 34
Aval avé ô ne liti Yéhôva na wo nye’e nye?
Ye wo nye’e Zambe abui den a lôt éyoñ ô nga taté na wo yé’é Bible? Ye wo kômbô ke ôsu a yemete amvôé dôé a nye? Nge e ne nalé, yeme’e na éyoñe Yéhôva é yen ane nye’an wo nye’e nye wo nen, nye fe é tu’a nye’e wo a nyoñe ngap a wo. Aval avé ô ne liti na wo nye’e nye?
1. Aval avé ô ne liti Yéhôva na wo nye’e nye?
Bia liti na bia nye’e Yéhôva éyoñe bia bo nye mewôk. (Lañe’e 1 Jean 5:3.) Yéhôva a ne étyi teke tindi môte na a bo nye mewôk. Ve a ve môt ase fili ya tobe nge é bo nye mewôk nge momo. Amu jé? Yéhôva a yi na bi bo nye “mewô’ô ma so minlem.” (Beromain 6:17) Nalé a tinane na, a yi na bi bo nye mewôk sa ke ve amu na bi ne ntindane ya bo de, ve amu bia nye’e nye. Ngabe 3 a ngabe 4 ya kalate nyi bii volô wo na ô liti Yéhôva na wo nye’e nye. Wé yen mam ô ne bo asu na ô ve nye nlem avak, a mame wo yiane sa’ale.
2. Jé é ne bo na ô yen ayaé ya liti Yéhôva na wo nye’e nye?
“Bikpwe’ele ya môt a ne zôsô bi ne abui.” (Besam 34:19) Bia bese bi be’e metyi ya abé, a jam ete e wô’ô soo bia minjuk. E wô’ô fe kui na bi bo azoé, bi tôban ékotekot, a minju’u mife. Éyoñe bi tele aval été ete, bi ne yen ayaé ya bo nkômbane Yéhôva. Nalé a ne fe bo na bi lume Yéhôva mvus tyi’ibi. Ve nge wo ve ngule jôé ése na ô bo Yéhôva mewôk, wé liti na wo nye’e nye a lôte jôm ése. Wé liti na wo kômbô wulu ba’aba’a a nye. Nalé é bo na nye fe a wulu ba’aba’a a wo. A ye ke ve’ele li’i wo étam môs éziñ.—Lañe’e Besam 4:3.
TUKA’A FAK
Yene’ amu jé Yéhôva a wô’ô mvaé éyoñe wo bo nye mewôk, a mame me ne volô wo na ô bo de mban.
3. Satan a bôté wo ajô
Kalate Job a liti na Satan a nji su’u ve na a bôté Job ajô, a nga bôté fe bôte bese ba kômbô bo Yéhôva ésaé mejô. Lañe’e Job 1:1, 6–2:10, mvuse ya valé, yala’ane minsili mi:
Satan a jô na Job a bo Yéhôva mewôk amu jé?—Fombô’ô Job 1:9-11.
Jé Satan a nga jô a lat a môt a binam ase, to’o womien?—Fombô’ô Job 2:4.
Lañe’e Job 23:11, 12, mvuse ya valé, yala’ane nsili wu:
Aval avé Job a nga liti na a nye’e Yéhôva nya nye’ane?
Job a nga liti na a nye’e Yéhôva amu a nga ke ôsu a wulu ba’aba’a a Nye
Bia fe bi ne liti na bia nye’e Yéhôva éyoñe bia ke ôsu a wulu ba’aba’a a nye
4. Va’a Yéhôva nlem avak
Lañe’e Minkana 27:11, mvuse ya valé, yala’ane minsili mi:
Yéhôva a wô’ôtan aya éyoñe wo liti na ô ne fek a na wo bo nye mewôk? Amu jé a wô’ôtane nalé?
5. Ô ne bo Yéhôva mewôk
Nye’ane bia nye’e Yéhôva wo ve bia nkômbane ya kobô bôte bevok ajô dé. Mbôle bia kômbô wulu ba’aba’a a nye, bia bo de to’o éyoñe nalé a nji bo tyi’ibi. Futi’i VIDÉO, mvuse ya valé, yala’ane minsili mia tôé valé.
Ye ô tameya yen ayaé ya kobô bôte bevok ajô Yéhôva?
Vidéo a te liti na jé é nga volô Grayson na a dañe woñe wé?
E ne tyi’ibi na bi bo Yéhôva mewôk éyoñe bia nye’e mam a nye’e, a éyoñe bia vini mam a vini. Lañe’e Besam 97:10, mvuse ya valé, yala’ane minsili mi:
Éyoñe wo simesan abim mam ô yé’éya a lat a Yéhôva, ô ne jô na a nye’e mam mevé? Mam mevé ki a vini?
Aval avé ô ne yé’é na wo nye’e mam me ne mvo’é a vini mam me ne abé?
6. Bia bi bibotan éyoñe bia bo Yéhôva mewôk
E ne nya mfii asu dangan na bi bo Yéhôva mewôk. Lañe’ Ésaïe 48:17, 18, mvuse ya valé, yala’ane minsili mi:
Ye bi ne tabe ndi na Yéhôva nnye a yeme mam ma dañe mfi asu dangan éyoñ ése? Amu jé wo jô nalé?
Aval avé mam ô nga yé’é Kalate Zambe a lat a nya Zambe, Yéhôva, me volôya wo azukui den?
BÔTE BÉZIÑ BA JÔ NA: “Zambe a bisi ki mam mese bia bo si va.”
Éfuse ya Kalate Zambe évé ô ne belane je asu na ô liti na mam bia bo me ne ve Zambe nlem avak, nge bo nye na a wôk ôlun?
ÔBALEBAS
Ô ne liti Yéhôva na wo nye’e nye éyoñe wo bo nye mewôk, a éyoñe wo wulu ba’aba’a a nye to’o ô tele minju’ été.
Ô ne yalan aya?
Jé nkañete Job wo te ye’ele wo?
Aval avé ô ne liti Yéhôva na wo nye’e nye?
Jé ja ye volô wo na ô ke ôsu a bo Yéhôva mewôk?
MAM MEFE ME NE VOLÔ WO
Yene’ aval avé ô ne wulu ba’aba’a a Yéhôva a ékôane jé.
Yene’e minsos mife Satan a nga laan a lat a môt a binam.
“Job a wulu ba’aba’a a Zambe” (Kalate Zambe—Foé jé é ne aya? Ngabe 6)
Yene’ avale avé to’o bongô be ne liti Yéhôva na ba nye’e nye.
Aval avé ésoé é ne bo Yéhôva mewôk éyoñe bisoé bivok bia tindi nye na a bo jam éziñ é ne abé?
A bisoé, te mia jô’é bongô bevok be te’e mbunane wônan! (3:59)