NLÔ AJÔ 56
Ba’ale’ élat é ne akônda été
Éyoñe bi ne zañe bobejañe ya nsisim, bia wô’ôtan ane Njô bôte David, nnye ate a nga jô na: “Aka’a mvo’é a mvaé e né ane bobenyañ be to vôme wua a nleme wua!” (Besam 133:1) Élat é ne zañe jangan é nji so atemetem. Môt ase a yiane ve ngule na a ba’ale je.
1. Jam avé da yené zañe bebo bisaé be Yéhôva?
Nge wo tabe ésulan si fe, to’o wo wô’ô ki nkobô ya wôé, wé wô’ôtane ve ane ô ne nda jôé. Amu jé? Amu bia bese bia yé’é Kalate Zambe, a bi kusa nyiñe si fé, bia bese bia belan avale bekalate da. Bia ve fe ngule ya nye’esan. To’o bia nyiñe vé, bia bese bia “loene jôé Yéhôva . . . a bo nye ésaé a nleme wua.”—Sophonie 3:9.
2. Jé ô ne bo asu na akônda e tu’a bo nlatan?
“Mi nye’esan nye’an wo so minlem mi ne ayôñ.” (1 Pierre 1:22) Aval avé ô ne tôñe melebe mete? Te dañe fombô bikobe bi bôte bevok, ve wo yiane dañe fombô mbamba mefulu be bili. Nde fe, te dañe lôt éyoñe ve a bôte mia be be mia so vôme wua, nge ke ba mia be be mia nye’e avale mame da. Wo yiane jeñe na ô yeme bobejañe a besita befe. Jeñe’e fe na ô wosane fulu ôbangam.—Lañe’e 1 Pierre 2:17.a
3. Jé wo yiane bo nge ô bili ajô a Kristen éfe?
Bi ne nlatan, ve bi be’e fe metyi ya abé. E wô’ô kui na bi bo bôte bevo’o mam ma taé be nlem. Jôme te nje Kalate Zambe a jô bia na “wua a jamé’é nyô mbok.” A beta jô na: “Aval ane Tate a nga jamé mia, nalé ate fe mi bo’ok.” (Lañe’e Becolossien 3:13.) Bi boya Yéhôva mam ma taé nye nlem abui biyoñ, ve a ke ôsu a jamé bia. Ajô te, nye fe a yi na bi jamé bôte bevok. Nde fe, nge wo yene na wo te bo monyoñ jame da taé nye nlem, kele’e kôm ajô ete mia nye.—Lañe’e Matthieu 5:23, 24.b
TUKA’A FAK
Yene’e jam ô ne bo asu na akônda e tabe mvo’é a nlatan.
Jé ô ne bo asu na ô kôm ajô?
4. Wosa’ane fulu ôbangam
Bia kômbô nye’e bobejañ a besita bangan bese. Ve e ne bo ayaé na bi kañese môt a selane bia. Nde, jé é ne volô bia? Lañe’e Mame minlôman 10:34, 35, mvuse ya valé, yala’ane minsili mi:
Yéhôva a kañese na avale bôt ese e bo Bengaa bé. Aval avé ô ne vu nye éyoñe wo yene bôte ba selane wo?
Aval avé bôte ya vôm ô to ba liti fulu ôbangam? Ô ne sa’ale je aya?
Lañe’e 1 Pierre 2:17, mvuse ya valé, yala’ane nsili wu:
Aval avé ô ne subu bobejañ a besita ba so bevôm befe bebé?
5. Jamé’é a nlem ôse a beta late ngbwa
Yéhôva a jamé bia a nlem ôse akusa bo émien a ye ke bia bo jam da ye sili na bi jamé nye môs éziñ. Lañe’e Besam 86:5, mvuse ya valé, yala’ane minsili mi:
Aval avé Yéhôva a jamé?
Amu jé wo wô’ô njaman Yéhôva mvaé?
Mam mevé me ne bo na bi kate ba’ale élat é ne akônda été?
Aval avé bi ne vu Yéhôva, a ba’ale mbamba élat a bobejañ? Lañe’e Minkana 19:11, mvuse ya valé, yala’ane nsili wu:
Éyoñe môt a bo wo jam da taé wo nlem, jé ô ne bo asu na ô kôm ajô ete?
É wô’ô kui biyoñe biziñ na bi bo bôte bevo’o mam ma taé be nlem. Éyoñe nalé a kui, jé bia yiane bo? Futi’i VIDÉO, mvuse ya valé, yala’ane nsili wo tôé valé.
Jé sita a te bo asu na a kôm ajô a nyi mbok?
6. Fombô’ô ve mbamba mefulu bobejañ a besita be bili
Éyoñe bia subu bobejañ a besita bangan bebé, bii kui na bi yeme mbamba mefulu map a mbia mefulu map. Aval avé bi ne beme mis mbamba mefulu map? Futi’i VIDÉO, mvuse ya valé, yala’ane nsili wo tôé valé.
Jé é ne volô wo na ô yene mbamba mefulu bobejañ a besita be bili?
Yéhôva a dañe fombô ve mbamba mefulu bi bili. Lañe’e 2 Minkañete 16:9a, mvuse ya valé, yala’ane nsili wu:
Wo wô’ôtan aya éyoñ wo yeme na Yéhôva a bem ôsimesan ve mbamba mefulu môé?
To’o éyoñ ako’o e ne édima da bi mintyek, e ngenan édima. Aval ete da da, bobejañ a besita bangan be be’e metyi ya abé, ve bese be ne édima mise me Yéhôva
BÔTE BÉZIÑ BA JÔ NA: “Asu na me jamé môt, a yiane ma taté sili njaman.”
Amu jé bia yiane bi nkômbane ya jamé bôte bevok?
ÔBALEBAS
Ô ne ke ôsu a ba’ale élat é ne akônda été éyoñe wo jamé bobejañ a besita tyi’ibi, a éyoñe wo nye’e be.
Ô ne yalan aya?
Aval avé ô ne wosane fulu ôbangam?
Wo ye bo aya nge ô bili mejô a Kristen éfe?
Amu jé wo kômbô vu Yéhôva, a jamé bôte bevok?
MAM MEFE ME NE VOLÔ WO
Yene’ aval avé nkana Yésus wo volô bia na bi bo teke tyi’i bôte bevo’o ajô.
Ye wo yiane jamé éyoñe wo wô’ôtane na ô bili ki mekua ajô éziñ?
“Les excuses contribuent à la paix” (Nkume mmombô a bete ya Ngon awôm a jia é too alu 1, mbu 2002)
Yene’ aval ave bote bezin be nga ye’e ane be ne nyin a bote bevok te ke timine be.
Yene’ aval avé ô ne kôm ajô a môt ôsusua na ajô ete da soo zô’é akônda.
“E yeme kôme mejô nye’an été” (Nkume mmombô a bete ya Ngone tane, mbu 2016)