Yéhôva, Zambe ya mvo’é

1. A Yah, Zambe ya nye’an,

Ô nga ka’ale bia mvo’é jôé.

Bia sili wo nsisime wôé

Na bi vu mefulu môé.

Bi ne bemvôé bôé den,

Bi ne bebo bisaé bôé,

Amu bia buni Mone wôé

A nye’e wo, a vô’ôlô wo.

2. Mbamba nsisime wôé,

Éfufub’ ya Mejô môé,

Bia wulu bia, a ba’ale bia

Émo é zaa dutu bia.

Bi nga’an bi yange na

Bita, zaé, akon . . . bi man

A Yéhôva, Ésaa wongan,

Volô’ô bia, bi tabe mvo’é.

3. Bôte bese wo nye’e

Wo tôkane yôb a si;

Wo ve fe bia nsisime wôé,

Na bi kañ’te Éjôé jôé.

Éjôé é mbeme vaa

Zaé, akon, bita . . . si va.

Nde bemvôé bôé, a Yéhôva,

Ba ye nyiñ mvo’é nnôm éto.