Bo’o na minlañe mi bo tyi’ibi

Jame Philippe a nga bo

VIDÉO: Philippe a kañete mmimia’a ya Éthiopie

1. Yene’e VIDÉO, nge ke na lañe’e Mame minlôman 8:​30, 31. Mvuse ya valé fase’e minsili mi:

1. Aval avé Philippe a nga taté minlañ?

2. Amu jé mboon ôte ô mbe mbamba zene ya taté minlañ a mbamba zene ya ye’ele môt ate mfefé jam?

Éve’ela Philippe ja ye’ele bia jé?

2. Nge bia bo na minlañe mi bo tyi’ibi, nalé a ye bôôé môte bia kañete nleme si a ve nye fane ya vô’ôlô bia.

Bo’o ane Philippe

3. Bo’o atyeñe meyen. Avale môt a bo asu éyoñ a kobô nge ke aval a fô’ô nyule jé, é ne ye’ele wo abui mam a lat a nye. Ye ô lôô ve ane môt ate a kômbô laan a wo? Ô ne taté minlañ a zene ya nsili wu: “Ye wo yeme na . . . ?” Te yemete nye na a kobô a too ke na a nji kômbô bo de.

4. Bo’o ôjibi. Te simesane na, nné ane mia môte mia taté na mia laan, wo yiane kobô nye ajô ya Kalate Zambe. Taté’é yange mbamba éyoñ ôsusua na wo bo de. Mbamba éyoñ ate a ne bo éko éziñ éyoñe mia nye mia ye beta laan.

5. Tyendé’é nlô ajô wôé. Môt a ne kee minlañe vôm ô nji be ô buna’an. Ve akusa bo nalé, jeñe’e na ô kate nye jam éziñ é ne bo mfi asu dé, to’o da ye sili na ô tyendé nlô ajô wo te kômesan.