Kômesa’ane nleme wôé

Éyoñe bia yé’é Kalate Zambe, bia yi na mame bia yé’é a lat a Yéhôva me nambe bia minlem. Esdras a ne mbamba éve’ela asu dangane mfa’a ôte amu “a nga mane [kômesane] nleme na a jeñe metiñe me Yéhôva.” (Esdras 7:10) Aval avé bi ne kômesane minleme miangan?

Meye’elan. Ôsusua na wo taté ayé’é dôé, taté’é bo meye’elan. Sili’i Yéhôva na a volô wo na ô wôk a tôñe mame wo zu yé’é.—Bsa. 119:18, 34.

Bo’o éjote nyul. Zambe a solé bôte be ne mebun a ba be too ndi a fe’e jap benya mejôô bé, amu ba simesane na be nji yi mvolane wé asu na be kôme wô’ô mame ba yé’é Kalate Zambe. (Luc 10:21) Bi nji yiane bo minjeñan a nsôñane ya liti bôte bevo’o na bia bia dañe yem. Nge bia te yé’é jam éziñ é liti’i na bia yiane bo mintyendan, fulu éjote nyule ja ye bo na bi sili biabebiene si a ve ngule ya bo mintyendane mite.

Va’a ngule ya wô’ô bia ya Éjôé. Mezik me bili ngule ya kôme nambe môte nlem, me ne fe bia volô na bi lu’u Yéhôva. E wô’ô mezik ôsusua na bia taté ayé’é dangan, a ne volô na bi kômesane minleme miangan.