How fi Yooz di Sampl Kanvasayshan Dehn

Sins Janiweri 2018, wi ga sohn sampl kanvasayshan pahn di kova a Wi Laif ahn Minischri Meetin Werkbuk. How wi ku yooz dehn?

Wen Yu Ga Wahn Paat Pahn di Meetin: Yooz di kweschan, skripcha, ahn fala-op kweschan fahn di sampl kanvasayshan. Bot dat noh meen dat yu haftu kapi di sampl kanvasayshan veedyo werd fi werd. Yu noh haftu kapi di sichuwayshan, inchrodokshan, er aada a di kanvasayshan eena di veedyo eeda. Yu ku eevn aafa wahn poblikayshan fahn di Teechin Toolbaks, eevn if di inschrokshanz fi di paat noh seh dat yu haftu yooz wahn poblikayshan.

Wen Yu Deh Eena di Minischri: Di perpos a di sampl kanvasayshan dehn da fi gi yu aidyaaz weh yu ku yooz fi help yu eena di minischri. If di persn shoa inchres an ih waahn noa moa, yu ku geh sohn aidyaaz fahn di sampl ritern vizit fi kantinyu di kanvasayshan. Bot noh frayd fi chaynj op di sampl kanvasayshan er du sohnting kompleetli difrent. Yu tink wahn sampl kanvasayshan fahn wahn difrent mont wuda werk beta eena yu teritori? Peepl inchrestid eena tingz weh di hapm eena di ayrya wehpaat yu liv? Noh mata how yu yooz di sampl kanvasayshan dehn, yu goal shuda bee fi mek ‘di gud nyooz spred aal oava, soh dat yu ku shayr eena di blesin weh di gud nyooz bring.ʼ—1Ko 9:22, 23.