How fi Yooz di Sampl Kanvasayshan Dehn

Di bradaz werk haad fi pripyaa di sampl kanvasayshanz, ahn wahn lata poblishaz fain dat ih reeli help dehn eena dehn minischri. Bot sins evri ayrya difrent, poblishaz ku fain difrent wayz fi staat wahn kanvasayshan er eevn yooz wahn difrent tapik weh wahn inchres peepl eena dehn ayrya. Af koars, wen da wahn speshal kampayn, wi shud fala di inschrokshanz weh wi get. Wi goal da fi fala Jeezas koman fi preech di gud nyooz a Gaad Kingdom.—Ma 24:14.

Wen poblishaz di pripyaa fi wahn styoodent asainment, dehn shuda foakos pahn di tapik a di sampl kanvasayshan eena di Laif ahn Minischri Meetin Werkbuk. Bot if di inschrokshanz noh seh dat di poblisha haftu yooz di sampl kanvasayshan tapik, den ih ku chaynj di “Kweschan,” di “Skripcha,” di “Neks Kweschan,” er di setin a di prezentayshan. Ih ku yooz wahn prezentayshan weh wahn werk gud eena di teritori a di kangrigayshan. Dis da wahn ajosment tu di dairekshan weh wi get eena payj 8 a di Joon 2020 kapi a di meetin werkbuk.