WERK HAAD FI DU BETA EENA DI MINISCHRI | HOW FI GA MOA JAI EENA DI MINISCHRI
Help Yu Baibl Styoodents fi Goh Da di Meetin Dehn
Di kangrigayshan meetin dehn da wahn impoatant paat a chroo wership. (Ps 22:22) Evribadi weh goh da di meetin dehn fi wership Jehoava geh wahn lata jai ahn blesinz. (Ps 65:4) Baibl styoodents weh goh da di meetin dehn yoozhwali mek gud proagres.
How yoo ku help yu Baibl Styoodents fi goh da di meetin dehn? Kip di invait dehn. Shoa dehn di veedyo weh naym Weh Aal Hapm da Wahn Kingdom Haal? Eksplayn how dehn ku benifit if dehn goh da di meetin dehn. (lff lesn 10) Yu ku shayr sohnting weh yu laan da wahn meetin er tel dehn weh wahn geh diskos da di neks meetin. Gi yu styoodent di poblikayshanz weh wahn geh yooz fi da meetin. Aalso, aafa fi help dehn, maybi dehn mait need help fi goh da di meetin. Yu noh wahn rigret fi help yu styoodent bee aybl fi goh da di meetin fi di fers taim.—1Ko 14:24, 25.
WAACH DI VEEDYO WEH NAYM HELP YU BAIBL STYOODENTS FI GOH DA DI MEETIN DEHN, AHN DEN ANSA DEHNYA KWESCHAN:
Wen Neeta mi invait Jade fi goh da wahn kangrigayshan meetin?
Wai wi hapi wen wahn Baibl styoodent goh da di meetin dehn?
“Gaad deh wid unu fi chroo!”
Weh Jade mi feel wen shee mi gaahn da ih fers meetin?