Help Yu Baibl Styoodents fi Kip Weh Fahn Bad Kompni

If wi waahn wi Baibl styoodent dehn bee frenz wid Jehoava, dehn haftu spen taim wid gud kompni. (Ps 15:1, 4) Gud kompni wahn help dehn du weh rait.​—Pr 13:20; lff lesn 48.

Wen yu di help yu Baibl styoodents fi kip weh fahn bad kompni, chrai andastan weh dehn mait di goh chroo. Ih ku bee haad fi mek dehn stap spen taim wid dehn frenz eena di werl. Soh, shoa dehn dat yu kay bowt dehn noh onli pan dayz wen yu stodi wid dehn. Yu ku sen dehn wahn teks mesij, gi dehn wahn kaal, er eevn vizit dehn. Az yu styoodent dehn mek proagres, yu ku invait dehn fi spen taim wid Gaad peepl. Den dehn wahn si klyaa-wan dat dehn noh looz frenz bot dehn ga moa frenz dan bifoa. (Mk 10:29, 30) Yoo tu wahn fain jai az yu si Jehoava famili groa.

WACH DI VEEDYO WEH NAYM HELP YU BAIBL STYOODENTS FI KIP WEH FAHN BAD KOMPNI, AHN DEN ANSA DEHNYA KWESCHAN:

• Wat da bad kompni?​—1Ko 15:33

• Weh Jade mi tink wahn Kristyan get-tugeda mi wahn bee laik?

• How Neeta mi help Jade fi geh nyoo frenz ahn stap ga bad kompni?