Sohn Lesn Weh Wi Laan Fahn Samwel Laif

Samwel mi stay faytful tu Jehoava ih hoal laif. Az wahn lee bwai, hihn neva fala di bad egzampl a Hofnai ahn Finiyas, hoo da-mi Eelai son dehn. (1Sa 2:22-26) Az Samwel mi-di geh oalda, Jehoava mi deh wid ahn. (1Sa 3:19) Az wahn oalda man, Samwel mi obeedyant an ih mi stay faytful tu Jehoava, eevn doa fi hihn son dehn neva fala fi hihn egzampl.​—1Sa 8:1-5.

Weh Samwel egzampl ku teech wi? If yoo da wahn yong persn, yu ku bee shoar dat Jehoava andastan how yu feel an ih andastan di prablemz weh yu haftu deel wid. Hihn ku help yu fi ga korij. (Isa 41:10, 13) If yoo da wahn payrent ahn yu son er daata noh di serv Jehoava nohmoh, Samwel egzampl ku help yu espeshali sins Samwel kudn foas fi hihn adolt son dehn fi stay laayal tu Jehoava standadz. Samwel mi lef di prablem eena Jehoava han dehn, an ih mi stay faytful an ih mi pleez Jehoava. Maybi fi yoo gud egzampl wahn help yu son er daata fi kohn bak tu Jehoava.

WACH DI VEEDYO WEH NAYM LAAN FAHN DEHN EGZAMPL​—SAMWEL, AHN DEN ANSA DEHNYA KWESCHAN:

• 

  How yong Samwel mi shoa korij?

• 

  How Danny mi shoa korij?

• 

  How Samwel mi set wahn gud egzampl az wahn oalda man?

• 

  How Danny payrents mi set wahn gud egzampl?