Adüga humá aransehani lubá lidaani Aritaguagülei

Lidaani Aritaguagülei ábanbei lídangiñe dan létima hagurabubei lubúeingu Heowá lidan irumu. Dandu lubaragiñe kei lárigiñe Aritaguagülei, sügütiwa saragu dimaasu adügei sun wayaraati lidan ámuñegueinarügü igaburi lun walawahani Heowá luma lun wíchugun eteingiruni lun luagu lebegi esefuruni (Efe 1:3, 7). Kéiburi lau wáfaagun lun wagunbirahan amu gürigia lun hayabin wama lidoun Laritaguagüle lounwen Kristu. Añahein íbirigu adügatiña aransehani lun heseriwidun kei prekursorugu ídehatiña ha apurichihabaña 30 o 50 oura lidan ǘrüwa-hati o gádürü-hati. Hínsiñeti hamuga san hun lun laganwoundun dan le hásügürübei lidan apurichihani lidan lidaani Aritaguagülei? Ka gayaraabei hadügüni?

Aransehani le adügǘbei lau dan, buiti lasalirun (Ari 21:5). Kei yarafaali lan lidaani Aritaguagülei, anihán dan lun wadügün aransehani buiti. Samina huméi ka lan katei habusenrubei hadügün ani ka lan lunbei hadügüni lun hibihini. Lárigiñe, amuriaha humá luma Heowá lun labiniruni áfaaguni le hadügübei (1 Hn 5:14, 15).

Saminaadün san luagu amu katei le gayaraabei hadügüni lun haganwoundagüdüni heseriwidun lun Heowá lidan lidaani Aritaguagülei?