Ri winäq ma nkikʼuqbʼaʼ ta chik kikʼuʼx chkij ri políticos | ¿Achkë nuʼij le Biblia chrij riʼ?

Chpan ri jnaʼ 2024, kan kʼïy tinamït xtkichaʼ ri winäq ri xtqʼatö tzij pa kiwiʼ; majun ta chik jun jnaʼ ri yechaʼon kʼïy qʼatöy taq tzij achiʼel re jnaʼ reʼ. Tapeʼ ke riʼ, ye kʼïy winäq ma nkikʼuqbʼaʼ ta chik kikʼuʼx chkij ri políticos.

• Chpan jun encuesta ri xbʼan Estados Unidos, kan jontir bʼaʼ chkë ri winäq xkiʼij chë «kan jontir bʼaʼ chkë ri políticos xa xuʼ nkiʼän ri kʼo ütz nukʼäm pä pa kiwiʼ ryeʼ», pa rkʼexel nkiʼän ri kʼo ütz nukʼäm pä pa kiwiʼ ri winäq (centro de investigación Pew Research Center, 19 de septiembre, 2023).a

Chqä ye kʼïy qʼopojiʼ kʼojolaʼ ma nkikʼuqbʼaʼ ta chik kikʼuʼx chkij ri políticos.

• «Ye kʼïy qʼopojiʼ kʼojolaʼ nkajoʼ nkisöl nmaʼq taq kʼayewal ri kʼo chpan kitinamit, ye kʼa chkipan ri encuestas ryeʼ nkiʼij chë ri políticos ma yekisöl ta ri kʼayewal riʼ» (The New York Times, 29 de enero, 2024).

• «Jun encuesta nuʼij chë ri qʼopojiʼ kʼojolaʼ más nkikʼuqbʼaʼ kikʼuʼx chkij ri youtubers chwäch chkij ri políticos» (The Korea Times, 22 de enero, 2024).

Rma riʼ, ¿xtkiʼän komä ri políticos chë más ütz xtuʼän qakʼaslemal chqawäch apü? ¿Achoq chrij ütz nqakʼuqbʼaʼ wä qakʼuʼx?

Tatzʼetaʼ na achoq chrij ütz nakʼuqbʼaʼ wä akʼuʼx

Nkʼatzin nqatzʼët na achoq chrij ütz nqakʼuqbʼaʼ wä qakʼuʼx. ¿Achkë rma? Le Biblia nuʼij chë «ri winäq ri majun ta rnaʼoj nunmaj jontir ri nbʼix che rä, ye kʼa ri winäq ri kan kʼo rnaʼoj nuchʼöbʼ na achkë nuʼän» (Proverbios 14:15).

• We nawajoʼ natamaj achkë rbʼanik natzʼët we jun ri nbʼix chawä tzij o ma tzij ta, taskʼij rwäch ri artículo «Cómo protegerse de la información falsa».

Chqä yajün ri políticos ri ma nkajoʼ ta yeleqʼan chqä nkajoʼ yekitoʼ ri winäq, ma yekowin ta nkiʼän jontir ri nkajoʼ. Rma riʼ, le Biblia nuyaʼ re naʼoj reʼ chqë:

• «Ma takʼuqbʼaʼ ta akʼuʼx chkij ri yekitäq ri nkʼaj chik, nixta chrij ri winäq ri xa nkäm, ri ma nkowin ta yaturköl» (Salmo 146:3, La Biblia Latinoamérica).

Jun qʼatöy tzij ri ütz nakʼuqbʼaʼ akʼuʼx chrij

Le Biblia nuʼij chë Dios xchaʼ jun qʼatöy tzij ri kan nkowin nuʼän rsamaj chqä kan ütz nqakʼuqbʼaʼ qakʼuʼx chrij: Jesucristo (Lucas 1:32, 33). Jesús ya riʼ ri Qʼatöy Tzij chpan Rqʼatbʼäl Tzij Dios, jun qʼatbʼäl tzij ri kʼo chkaj (Mateo 6:10).

• Tatzʼetaʼ achkë rma ütz nakʼuqbʼaʼ akʼuʼx chrij Jesús y achkë xtuʼän ryä rchë xtsöl ri kʼayewal ri qlon komä. Taskʼij kiwäch re artículos reʼ: «¿Quién es el Rey del Reino de Dios?» y «¿Qué hará el Reino de Dios?».