GONDO 02

Bhiblia ya ninga themba ya mbimo ayi yi tako

Dibhuku do ganjwa

Vathu ha mafuni kotshe va xaniswa ngu sikarato so tala. Ina awe u khala kumanana ni sikarato asi si nga kumaha u xupheka? Ti nga maha konku u txi xupheka ngu kona ha ka malwati mwendo ku felwa ngu dixaka dako. Se u nga tiwotisa u txi khawe: ‘Ina wutomi wu na txitxa?’ Bhiblia ya hi ninga xamulo yo tsakisa ya txiwotiso txonetxo.

1. Ngu yihi themba ayi Bhiblia yi hi ningako?

Bhiblia ya txhamusela ti to ngu kutxani hamafuni ku di tate sikarato, yi tshumela yi hi gela mahungu a manene a ti to sikarato siya hi mananako naso konku i mwando, i singa kale si na guma. Bhiblia ya thembisa ku kuninga “thavelelo yo mbina magwito, ni txithembo txa txinene.” (Lera 2 Vatesalonika 2:16.) Themba yoneyo ya hi vhuna ku hi xula sikarato asi hi mananako naso ti to hi si karateki ni kuzumba hi di tsakile.

2. Bhiblia yi womba-womba ngu wumangwana wo zumbisa kutxani?

Bhiblia yi thembisa ti to mbimo yi yi tako “kha ku nambi swa ku txi maneka kambe lifo, hambi kudila, hambi tihuwa, hambi kupandiseka.” (Lera Mtuletelo 21:4.) Sikarato asi nyamsi si wonekako nga kha si na mbi guma, so fana ni wusiwana wubihi, malwati ni lifo, kha si na mbi ta maneka kambe. Bhiblia yi thembisa ti to vathu va na ta hanya wutomi wo tshamba ka Paradhise ha mafuni.

3. U nga maha txani kasi kukholwa ti to ati Bhiblia yi ti wombako ditshuri?

Vathu vo tala va rinzela timhaka ta tinene, kambe vona kha va kholwi ti to ti na maheka. Kambe ati Bhiblia yi ti thembisako ti na maheka ngu ditshuri. Hi nga kholwa ti to ati Bhiblia yi ti wombako ditshuri ngu “kuwonisisa ditshuri da totshe timhaka.” (Mithumo 17:11) Mbimo yi u gondako Bhiblia u na tiwona upune ti to ati u ti gondako ditshuri mwendo ahim-him.

ENGETELA WUZIVI WAKO

Wona ati Bhiblia yi thembisako ti to ti na ta maheka mbimo ayi yi tako. Wona to themba yoneyo yi nga hi vhunisa kutxani nyamsi.

Mifota: Mifota ayi yi kombisako kuhambana ka wutomi awu wu hanywako nyamsi ni ti wutomi wu no ta va ngu tona mbimo ayi yi tako.

4. Bhiblia yi thembisa ti to mbimo ayi yi tako hi na ta hanya hi si fi

Konkuwa hi na wona lista ya timhaka ati Bhiblia yi thembisako to ti na ta maheka mbimo ayi yi tako. Ngu tihi ati ti ku tsakisako ngutu? Ngu kutxani?

Lera mibhalo ayi yi nga kombiswa mi gwita mi bhula ngu siwotiso siya:

Ina mibhalo ayi yi nga kombiswa yi nga kuvhuna? Ina yi nga vhuna mwaya wako mwendo vangana vako?

Ti wone u txi hanya ka mafu

AHAWA NI WA MMWEYO . . .	VOTSHE . . .
a no pfa kupanda, a no kumba mwendo kufa.—Isaya 25:8.	va na ta amukela maxaka awe aya ma no wuswa ka vakufa me hanya ha mafuni.—Johani 5:28, 29.
a no lwala a no lemala. —Isaya 33:24; 35:5, 6.	va na ta hanya wutomi wo tshamba, va si lwali nem va si kumbi.—Jobe 33:25.
a no xaniswa.—Isaya 32:16, 17.	va na ta tidila ngu sakudya, ve ti akela tinyumba ta tinene ve maha mthumo wo tsakisa.—Masalmo 72:16; Isaya 65:21, 22.
a no xaniseka ngu tiyimbi. —Masalmo 46:9.	va na ta hanya ngu kudikha.—Masalmo 37:11.
a no khumbula ta kale to mba tsakisa.—Isaya 65:17.	va na ta hanya ka mafu o tshura.—Masalmo 37:29.

Txifanyana atxi txi nga ti lwala txi di ni dihanyo da dinene txi di tsakile txi demberela mame wa txona.

Dijaha adi di nga ti kumbile se I di mphya di txi txhovha diwilibhari do tala ngu mazokoro ni mihando yimwani.

5. Sithembiso sa mu ka Bhiblia si nga txitxa wutomi wako

Vathu vo tala va godhola ni kukarateka ngu mhaka ya sikarato asi va mananako naso. Vamwani va bambisana ni kulava kutxitxa wutomi ha mafuni hawa. Wona ati sithembiso sa mu ka Bhiblia si nga kuvhunisako tona konku. Xalela VHIDHIYO, mi gwita mi bhula ngu siwotiso asi si londiselako.

VHIDHIYO: Ni txi lava kuxula wubihi (4:07)

Mfota wa vhidhiyo ayi yi ku: ‘Ni txi lava kuxula wubihi.’ Rafika i di ngadi mphya a txi elula txigama ni titanga kulowe.

Nga ha hi nga tiwona ngu kona aha ka vhidhiyo, ngu wuhi wubihi awu wu nga ti karata Rafika?
Hambiku wubihi awu wu nga txi m’karata wu nga mbi guma, Bhiblia yi m’vhunisile kutxani?

Ati Bhiblia yi hi thembisako mayelano ni wumangwana ti nga hi vhuna ku hi si gumi mtamo ni kuziva kuwonisana ni sikarato asi hi mananako naso. Lera Mavingu 17:22 ni Varoma 12:12, mi gwita mi bhula ngu txiwotiso txiya:

U alakanya ti to ati ti ku mu ka Bhiblia ti nga kuvhuna konku? Ngu kutxani?

NGAKO VATHU VA TXI KHONA: “Ati Bhiblia yi ti wombako mayelano ni wumangwana hi nga ditshuri.”

Ngu kutxani i di ta lisima kuxolisisa ditshuri u pune?

ATI HI NGA TI WONA

Bhiblia ya hi thembisa ti to hi nava ni wumangwana wo tsakisa, eto ta hi vhuna kuwonisana ni sikarato asi hi mananako naso.

Ngu tihi ti u nga ti gonda

Ngu kutxani vathu va di fanete kuziva ati Txizimu txi ti thembisako?
Ngu tihi ati Bhiblia yi ti thembisako mayelano ni wumangwana?
Kukholwa ati Bhiblia yi ti thembisako ngu mbimo ayi yi tako ti kuvhunisa kutxani konku?

Ni hetile gondo yiya ngu

U nga maha tiya

Kasi kuziva to tala gonda tindimana ta Bhiblia ati ti nga kombiswa ka gondo yiya.

Mwendo tiya:

Your other goal

XOTA TIMWANI

Mfota wa vhidhiyo ayi yi ku ‘Ni txi lava kuxula wubihi.’ Ka dikhambi do khata adi Rafika a nga xalela m’tshangano wa m’gaga a di tsakile ngu kuwona vathu va midhawuko yo hambana-hambana va di kumweko ngu kupfana.

Gonda nzila ayi kuva ni themba ti nga kuvhunisako tona ngako u di ni sikarato.

“U nga yi mana hani themba?” (Khenjemuka! wa 22 ka Abril wa 2004)

Wona nzila yi kuva ni themba ti nga va vhunako ngu yona ava va ku ni malwati a hombe.

“Ina Bhiblia yi nga kuvhuna ngako u di ni malwati a hombe?” (Msungo mhaka wu ku ka site)

Mbimo yi u xalelako vhidhiyo ya wutxenje, ti wone awe ni mwaya wako mi txi hanya ka mafu a maphya a Paradhise aya Bhiblia yi ma thembisako.

Pimisa ngu makatekwa a mbimo ayi yi tako (3:37)

Wona nzila ayi kugonda ngu sithembiso sa mu ka Bhiblia ti nga vhuna ngu yona m’thu awu a nga ti hanya ngu sitereka ti to e txitxa mahanyelo akwe.

“Ni ti woni ni si swi ni lava kutxitxa ditiko” (Muwoneleli wa 1 ka Julho wa 2013)