DIHANG MAGBALIKDUAW
LEKSIYON 9
Empatiya
Prinsipyo: “Paglipay uban sa mga naglipay; hilak uban sa mga naghilak.”—Roma 12:15.
Ang Gihimo ni Jesus
1. Tan-awa ang VIDEO, o basaha ang Marcos 6:30-34. Dayon konsideraha ang mosunod nga mga pangutana:
Nganong si Jesus ug ang iyang mga apostoles gustong moadto sa usa ka lugar nga “silasila ra”?
Unsay nagpalihok kang Jesus nga tudloan ang mga tawo?
Unsay Atong Makat-onan Kang Jesus?
2. Ang empatiya magpalihok nato nga tabangan ang mga tawo, dili lang kay basta sultihan sila sa maayong balita.
Sundoga si Jesus
3. Maminaw pag-ayo. Pasultiha ang imong kaestorya sa iyang gibati. Ayawg sagbat dayon o ibalewala ang iyang gibati, gikabalak-an, o ang mga butang nga wala niya uyoni. Pinaagi sa pagpaminaw pag-ayo, imong gipakita nga importante nimo ang iyang gibati.
4. Hunahunaa ang interesadong tawo. Base sa inyong panag-estorya, pangutan-a ang kaugalingon:
‘Nganong kinahanglan niyang mahibaloan ang kamatuoran?’
‘Sa unsang paagi ang pagtuon sa Bibliya magpauswag sa iyang adlaw-adlawng pagkinabuhi ug maghatag niyag mas maayong kaugmaon?’
5. Isulti kaniya ang mga butang nga makatabang niya. Paningkamoti nga ipakita kaniya kon sa unsang paagi ang pagtuon sa Bibliya makatubag sa iyang mga pangutana ug makatabang niya sa praktikal nga mga paagi.