Mga Tigom nga Motabang Nato sa Paghimog Tinun-an
SEMANA SA ABRIL 11-17
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Ilakip ang taho sa kuwenta. Dasigang tanang mosuportar sa adlaw sa magasin sa Sabado, Abril 23. Awhagang mga hamtong sa pagpanlimbasog gayod sa pagtabang kanilang wala pa makasangyaw sa Abril sa dili pa matapos ang bulan.
15 min: “Pagtanyag sa Ang Bantayanang Torre sa Abril.” Pangutanag tubag nga pagtagad sa artikulo. Dasigang tanang maghupot ug positibong tinamdan sa pagtanyag sa mga suskrisyon.
20 min: Bag-ong Ulohan nga Mahisgotan. Panaghisgot ug pasundayag. Subliang Ulohan nga Mahisgotan ug ipakita ang paagi nga ikalambigit kana sa tanyag sa suskrisyon sa Bantayanang Torre. Sa pasiuna ipasiugda nga ang pamilyahanong kinabuhi karon gihulga sa daghang paagi. Ingong resulta, adunay nabungkag nga mga panimalay ug hilabihang kagul-anan. (Suknaang tagbalay kon unsa ang iyang pagbati nga mao ang solusyon niining problemaha.) Human niana isulti nga adunay panginahanglan sa pagtutok ngadto sa Maglalalang sa katawhan alang sa pagtultol. Ang Diyos mao ang mitukod sa pamilyahanong kahikayan. (Basahang Genesis 1:27, 28.) Dayon makaingon ka: “Ang sinulat nga Pulong sa Diyos, ang Bibliya, nasudlan sa pagtultol nga kon sundon makaamot ngadto sa malipayon pamilyahanong kinabuhi ug makataganag paglaom alang sa mas maayong mga kahimtang sa umaabot. [Basahang Isaias 48:17, 18.] Maoy hinungdanon alang sa sinserong mga tawo sa pagbasa ug pagtagad sa sinulat nga Pulong sa Diyos.” Dayon ipaila ang magasing Bantayanang Torre, nga nagapakita sa tukmang artikulo sa banaynong kinabuhi. Sa Abril ug Mayo, ang pangunang mga artikulo diha sa Ang Bantayanang Torre nagahisgot sa lainlaing mga bahin sa pamilyahanong kinabuhi ug ipakita kon sa unsang paagi ang Bibliya nagataganag matuod nga giya niining mga butanga. Ipasundayag sa takos nga payunir o magmamantala ang paggamit sa bag-ong Ulohan ug tanyag sa suskrisyon sa Bantayanang Torre. Human sa pasundayag, tagda ang ubang mga puntong igsusulti nga magamit gikan sa mga magasin.
Awit 203 ug pag-ampo.
SEMANA SA ABRIL 18-24
7 min: Lokal nga mga pahibalo. Pahinumdomi ang tanan sa pagreport sa binuhatan sa Abril gilayon sa pagkatapos sa bulan. Agdahang tanan sa bug-os nga pakig-ambit sa unang Domingo sa buluhaton sa Mayo 1.
18 min: “Tabangi Silang Nagatambongan sa mga Tigom.” Pangutanag tubag nga pagtagad sa artikulo. Ipasiugdang panginahanglang tabangan ang mga bag-ohan aron mahimong takos sa pakig-ambit sa ministeryo sa kanataran.
12 min: Panaghisgot ug mga Interbiyu. Ansiyano nagatagad kon unsay mahimo sa lokal nga kongregasyon sa pagtabang niadtong nagatambongan sa mga tigom, uban sa tumong sa pagbulig kanilang mahimong mga magmamantala. Interbiyuha ang duha o tulo ka magmamantala, nga nagalaraw sa tino kon unsay ilang gibuhat sa pag-abag ug paglig-on sa maong mga bag-ohan.
8 min: Panaghisgot uban sa tigpaminaw sa “Pangutana” sa panid 4.
Awit 101 ug pag-ampo.
SEMANA SA ABRIL 25–MAYO 1
5 min: Lokal nga mga pahibalo.
17 min: “Pagtanyag sa Maayong Balita—Pinaagig Espesyal-Interes nga mga Artikulo sa Atong mga Magasin.” Hisgotan sa pangutanag tubag. Ipasiugda ang kahigayonang magpahimutag mga magasin ug panginahanglan sa maayong pagpangandam. Kon may panahon pa, ipaasoy sa pipila ka magmamantala ang lokal nga mga eksperiyensiya sa pagpahimutag mga magasin.
8 min: Gamitag Maayo ang Teokratikanhong Kalendaryo. Pakigpulong. Dasigang tanang gamiton ang kalendaryo sa Sosyedad. Maghimog mga nota sa eskedyol sa pag-alagad sa kanataran ug ubang teokratikanhong kalihokan. (Eccl. 3:1) Ang senemanang pagbasa sa Bibliya nga anaa sa kalendaryo magsilbing pahinumdom sa pagbasa sa Bibliya sa matag adlaw. (Sal. 1:2) Ang teksto sa tuig gipasiugda, ug ang mga ilustrasyon makapasibot sa atong tinguha nga moambit sa ministeryo sa kanataran. Kini usab magpahinumdom kanato sa atong tibuok-kalibotang panag-igsoonay. Gamitang kalendaryo sa pagtultol sa mga estudyante sa Bibliya ngadto sa organisasyon.
15 min: “Ang Bili sa Pag-awit sa Matuod nga Pagsimba.” Pahayag gipasukad sa Disyembre 1, 1987 nga Bantayanang Torre, mga panid 25-7. Ipasiugda ang panginahanglan alang sa tanan sa madasigong pag-awit gikan sa kasingkasing, usab sa hiniusang paggamit sa Cebuanong alawiton diin kini mabatonan.
Awit 20 ug pag-ampo.
SEMANA SA MAYO 2-8
12 min: Lokal nga mga pahibalo. Dasigang tanang moambit sa buluhatong magasin sa ikaduhang Sabado, Mayo 14. Interbiyuha ang usa o duha nga nag-oksilyare payunir sa Abril, nga pasultihon sila kon sa unsang paagi sila nabenepisyohan, usab bisan unsang kasinatian nga ilang natagamtam sulod sa maong bulan.
18 min: “Himoang mga Miting nga Mas Matulon-anon.” Pangutanag tubag nga pagtagad sa artikulo pinaagig ansiyano. Hisgoting mga teksto nga gisitar sa artikulo. Human matagad ang parapo 5, himoon ang lima-minutos nga panaghisgot tali sa duha ka igsoong lalaki nga nagapasiugda sa panginahanglang maminaw pag-ayo ug ugmaron ang arte sa maayong pagpatalinghog. Matikding impormasyon nga anaa sa Giya sa Tunghaan, mga panid 25-7, mga parapo 6-14.
15 min: “Ang Pagkamasinugtanon Angay ba Kanunay?” Pakigpulong gipasukad sa artikulo sa Bantayanang Torre sa Abril 1, 1988.
Awit 2 ug pag-ampo.