Mga Tigom nga Motabang Nato sa Paghimog Tinun-an
SEMANA SA HULYO 4-10
5 min: Lokal nga mga pahibalo.
25 min: “Buhata ang Buluhaton sa Ebanghelista.” Pangutanag tubag. Human hisgoti ang parapo 4, ang pasundayag himoon sa bansay nga magmamantala o payunir nga nagagamit sa bag-ong Ulohan nga Mahisgotan nga motultol ngadto sa tanyag sa ‘brochure’ nga Kagamhanan. Dayon sa parapo 5, ang batan-ong magmamantala ang mopasundayag sa pinayanong presentasyon. Palig-onang tanan mosuportar sa kampanya sa ‘brochure.’ Kon wala pa makaorder ang kongregasyon, kinahanglang moorder gilayon.
15 min: Ang mga Kristohanon ba Kinahanglang Motuman sa Igpapahulay? Panaghisgot sa mamiminaw binase sa Nangatarongan Pinasukad sa Kasulatan, mga panid 194-200 (pp. 345-52 sa Ingles).
(3 min.) Mubong pasiunang pahayag nga nagagamit sa kahubitan sa panid 194 (p. 345 sa Ingles). Ilakip ang mga pangutana sa panid 195 (p. 346 sa Ingles) nga nagpatin-aw kon sa unsang paagi ang Domingo nahimong dakong adlaw sa pagsimba sa Kakristiyanohan.
(12 min.) Panaghisgot sa tigpaminaw sa mga puntos gikan sa basahong Nangatarongan. Ipatin-aw nga Kasulatanhon nga ang mga Kristohanon dili obligado sa pagtuman sa senemanang Igpapahulay. (Ex. 31:16, 17) Bisan pa niana, adunay igpapahulay alang sa mga Kristohanon. (Heb. 4:9, 10) Ipasiugda kon sa unsang paagi kita makapangatarongan kon aduna ing mangutana, ‘Nganong dili kamo motuman sa Igpapahulay?’
Awit 20 ug paniklop nga pag-ampo.
SEMANA SA HULYO 11-17
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Taho sa kuwenta. Ilakip ang pasalamat sa Sosyedad sa bisan unsang mga amot nga gipadala sa kongregasyon.
20 min: “Paghatag nga Malipayon Ingong Payunir.” Pangutanag tubag. Gamitang ultimang lima ka minutos sa pag-interbiyu sa mga magmamantala nga nagasugod sa pag-oksilyare payunir niining bulana o sa sunod.
15 min: Lokal nga mga panginahanglan. Kon walay linaing panginahanglan, nagadumalang magtatan-aw o magtatan-aw sa pag-alagad makahatag ug makapalig-ong report ug pakigpulong sa progreso sa lokal nga ministeryo. Ilakip ang mga komento sa pagkobre sa teritoryo, aberids nga oras, mga pagtuon nga gidumala, gidaghanon sa nagpayunir niining tuiga sa pag-alagad, ug uban pa.
Awit 192 ug paniklop nga pag-ampo.
SEMANA SA HULYO 18-24
10 min: Lokal nga mga pahibalo ug panaghisgot sa “Pangutana” sa panid 3.
20 min: “Pagtanyag sa Maayong Balita—Sa Pagpamalaybalay.” Pangutanag tubag. Iilustrar ang puntong gihisgotan sa parapo 3 pinaagig naandam mubong lokal nga kasinatian. Human mahisgoting parapo 4, pasultiha ang usa o duha ka magmamantala nga nakaandam na kon sa unsang paagi sila sa personal nabenepisyohan gikan sa pamalaybalay nga ministeryo.
15 min: “Kinabuhi ug Ministeryo ni Jesus.” Buhing pakigpulong uban sa mga ilustrasyon sa mga paaging gigamit niini nga serye sa mga artikulo diha sa Ang Bantayanang Torre. Ang mga ginikanan ba nagagamit niining mga artikuloha aron abagan ang ilang mga anak sa paglambo sa gugma kang Jesus ug pagpabili sa iyang gibuhat alang sa katawhan? Segon sa itugot sa panahon, isugid ang piniling mga eksperiyensiya maylabot sa paggamit niining mga artikuloha.
Awit 21 ug paniklop nga pag-ampo.
SEMANA SA HULYO 25-31
10 min: Lokal nga mga pahibalo. Teokratikanhong mga Balita. Dasigang mga magmamantala nga mogawas sa pagsangyaw sa unang Domingo sa Agosto. Ipaasoy ang mga kasinatiang natagamtam sa pagpahimutang sa ‘brochure’ nga Kagamhanan sa Hulyo.
20 min: “Tagamtama ang mga Kaayohan sa Basahong Nangatarongan.” Panaghisgot sa tigpaminaw.
15 min: “Mga Batan-on Nangutana . . . ” Dumalahon sa ansiyano ang panaghisgot pinaagig pipila sumbanang mga batan-ong magmamantala bahin sa kabililhon niining mga artikuloha diha sa Pagmata! Ikalakip ang mga komento kon sa unsang paagi sila nabenepisyohan sa personal o sa unsang paagi gigamit nila kining mga artikuloha sa pagtabang sa uban.
Awit 121 ug paniklop nga pag-ampo.
SEMANA SA AGOSTO 1-7
10 min: Lokal nga mga pahibalo. Subliang mga puntong igsusulti sa kinaulahiang mga magasin nga magamit sa pagsangyaw sa Sabado ug ipasundayag ang duha o tulo ka mubong presentasyon.
15 min: Magtatan-aw sa pag-alagad mointerbiyu sa mga igsoong natudlo sa pag-atiman sa mga departamento sa literatura ug magasin. (om p. 124) Sa mubo ipasubli kanila ang kalihokan sa ilang mga departamento. Ipatin-aw kon sa unsang paagi ang kooperasyon sa tanan diha sa kongregasyon maoy hinungdanon. Palig-onang mohimog espesyal nga mga order pinaagi sa kongregasyon inay kay diretsong moorder gikan sa Sosyedad, nga regular nga nagakuha sa personal nga order sa magasin, ubp.
20 min: “Mahinumdom Ka Ba?” Panaghisgot tali sa konduktor sa pagtuon sa libro ug duha ka magmamantalang nagakobre sa tinong mga puntos sa “Mahinumdom Ka Ba?” gikan sa Abril 15, 1988 ug Disyembre 15, 1987 nga mga gula sa Ang Bantayanang Torre.
Awit 111 ug paniklop nga pag-ampo.