Mga Tigom nga Motabang Nato sa Paghimog Tinun-an
SEMANA SA NOBYEMBRE 6-12
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Pahinumdomi ang igsoon nga nagaatiman sa literatura sa pag-order karon ug daandaang mga basahon alang sa kampanya sa daandaang mga libro sa Enero ug Pebrero.
20 min: “Pagdasig sa Uban sa Pagbasa ug Pagtuon sa Pulong sa Diyos.” Dumalahon sa ansiyano kining bahina sa pangutanag tubag. Sa tagdon ang parapo 6, himoon ang pasundayag nga nagagamit sa usa sa gisugyot nga mga pasiuna uban sa Ulohan nga Mahisgotan.
15 min: “‘Jehovah Keeps Making It Grow.’” Masibotong pakigpulong sa Konstruksiyon Koordinetor sa espesyal Oktubreng suplemento sa Atong Ministeryo sa Gingharian maylabot sa progreso sa konstruksiyon sa Bethel. Ipasiugda ang importansiya sa padayong maayong suportar alang sa proyekto pinaagig pagboluntaryo ug sa regular nga mga amot.
Awit 5 ug paniklop nga pag-ampo.
SEMANA SA NOBYEMBRE 13-19
10 min: Lokal nga mga pahibalo. Taho sa kuwenta. Pahibaloa ang kongregasyon sa bisan unsang balos-pasalamat sa amot gikan sa Sosyedad. Ipatugbaw ang apresasyon sa gihimong pinansiyal nga pagsuportar.
20 min: “Himoang Bug-os-Panahong Pag-alagad nga Imong Karera.” Pangutanag tubag nga panaghisgot sa artikulo, sundan sa mga interbiyu sa bug-os-panahong mga ministro nga moasoy kon sa unsang paagi sila napalig-on sa paghimo sa payuniring nga ilang karera. Unsang mga panalangin ang ilang natagamtam? Nganong palig-onon nila ang uban sa paghimo niini nga ilang karera?
15 min: Mahimong Andam sa Pagrekomendar sa New World Translation. Ipasiugda sa ansiyano ang mga bahin sa materyal sa mga panid 265-69 sa librong Nangatarongan (pp. 276-80 sa Ingles). Dapitang tigpaminaw nga sundan kana ug moambit sa panaghisgot sa mga puntos nga mahimong mapuslanon diha sa lokal nga teritoryo.
Awit 17 ug paniklop nga pag-ampo.
SEMANA SA NOBYEMBRE 20-26
10 min: Lokal nga mga pahibalo. Teokratikanhong mga Balita.
20 min: “Pagtanyag sa Maayong Balita—Uban sa mga Magasin.” Pangutanag tubag nga pagtagad. Human mahisgoti ang parapo 5, ang magmamantala mopasundayag sa duha ka lainlaing 30- ngadto sa 60-segundos nga mga presentasyon sa magasin.
15 min: Pakigpulong gipasukad sa “Nganong Mahadlok sa Diyos, Dili sa mga Tawo?” gikan sa mga panid 4-7 sa Hunyo 1, 1989 nga Bantayanang Torre.
Awit 51 ug paniklop nga pag-ampo.
SEMANA SA NOB. 27–DIS. 3
10 min: Lokal nga mga pahibalo. Ipasundayag ang duha ka 30- ngadto sa 60-segundos nga mga presentasyon ginamit ang kinaulahiang mga magasin.
20 min: Pangutanag tubag nga panaghisgot sa “Pamilyahanong Kooperasyon Mopatunghag mga Kaayohan.” Pagadumalahon sa usa ka ansiyano nga ulo sa pamilya.
15 min: Pahayag sa “Ikaw ba Kanunayng Ulahi?” gibase sa mga panid 21-3 sa Hunyo 8, 1989 nga Pagmata!
Awit 73 ug paniklop nga pag-ampo.
SEMANA SA DISYEMBRE 4-10
10 min: Lokal nga mga pahibalo.
20 min: “Tabangi ang mga Batan-on sa Pagbenepisyo Gikan sa Kombensiyon.” Pangutanag tubag. Interbiyuha ang duha o tulo ka batan-on kon sa unsang paagi sila nabenepisyohan gikan sa mga programa sa kombensiyon. Giunsa sa ilang mga ginikanan sa pagtabang kanila? Unsa ang ilang buhaton aron dili makabalda sa panahon sa mga sesyon?
15 min: Lokal nga mga panginahanglan. Ilakip ang pakigpulong sa magtatan-aw sa pag-alagad aron palig-onon ang tanan sa pakig-ambit sa pag-alagad nga sayo pa sa bulan aron dili mahimong diregular tungod sa pagtambong sa kombensiyon.
Awit 57 ug paniklop nga pag-ampo.