Mga Tigom sa Pag-alagad Alang sa Hunyo
Semana sa Hunyo 1-7
8 min: Lokal nga mga pahibalo. Mga Pahibalo gikan sa Atong Ministeryo sa Gingharian, nga linaing magpahinumdom sa mga kongregasyon sa pag-order sa bag-ong brosyur nga magamit sulod sa kampanya sa Hulyo ug Agosto. Teokratikanhong mga Balita.
15 min: “Masinangkapan Alang sa Tanang Maayong Buhat.” Pangutanag tubag. Komentohig mubo ang Pebrero 15, 1989, Bantayanang Torre, mga panid 22-4.
22 min: “Pagpamatuod Ngadto sa ‘Tanang Matang sa mga Tawo.’” Usa ka ansiyano ug usa ka grupo sa may kasinatiang mga magmamantala maghisgot sa sinugyot nga mga presentasyon sa pagtanyag sa Labing Bantogang Tawo ug Pagpangita sa Katawhan sa Diyos nga mga libro. Sa mubo sublia ang nagkalainlaing relihiyon nga nahibalag sa lokal, ug isaysay kon nganong kita angayng maghinumdom ug pipila ka ulohan sa pagsugod ug panaghisgot diha sa matag kahimtang. Ipasundayag ang usa o duha ka mugbong mga presentasyon.
Awit 112 ug paniklop nga pag-ampo.
Semana sa Hunyo 8-14
10 min: Lokal nga mga pahibalo. Taho sa kuwenta.
15 min: “Pag-atiman sa mga Kabtangan sa Agalon.” Pakigpulong pinaagig ansiyano, nga magkobre sa impormasyon diha sa pasukip.
20 min: “Ang Tanan Nato Gikinahanglan Aron Molampos ang Buluhaton.” Pangutanag tubag. Isaysay kon nganong ang mga ansiyano nagaagad sa daghang mahinangpon nga mga boluntaryo aron mahimo ang kinahanglanong mga butang. Sublia ang lokal nga mga panginahanglan, sama sa pagpanghinlo ug pagmentinar sa Kingdom Hall, pagtabang sa masakiton ug tigulang, ug pagkobre sa teritoryo. Dapita ang mga ansiyano sa pagkomento kon sa unsang paagi ilang giapresyar ang mahinangpong tabang nga gihatag sa daghan. Ipasiugda nga gikinahanglan pag-ayo ang paningkamot sa matag usa.
Awit 153 ug paniklop nga pag-ampo.
Semana sa Hunyo 15-21
10 min: Lokal nga mga pahibalo.
20 min: “Panglimbasog Kamo Pag-ayo.” Pakigpulong pinasukad sa Enero 15, 1986, Bantayanang Torre, mga panid 10-14. Hisgoti ang kabililhon sa regular payunir nga pag-alagad, nga magdasig sa pagpatala sa Septiyembre 1.
15 min: “Pagpamatuod Pinaagig Maayong Panggawi.” Pangutanag tubag. Interbiyoha ang pipila ka maayog panig-ingnang mga batan-on. Ilang hisgotan kon sa unsang paagi nakadayeg ang uban sa ilang Kristohanong panggawi. Iasoy ang usa o duha ka kasinatian gikan sa Enero 1, 1995, Bantayanang Torre, mga panid 24-5.
Awit 170 ug paniklop nga pag-ampo.
Semana sa Hunyo 22-28
10 min: Lokal nga mga pahibalo. Isulti kon kanus-a nakompleto ang awdit sa mga kuwenta sa kongregasyon.
15 min: Kon Unsaon Pagsugod ug Ruta sa Magasin. Tagika kon unsay gikinahanglan: itala ang tanang napahimutang, mobalik sulod sa duha ka semana, ipresentar ang bag-ong mga ideya gikan sa bag-ong mga magasin aron mapadayong buhi ang interes. Ang ruta sa magasin maglakip sa mga silingan, mga kaubanan sa trabaho, mga manininda, mga sulugoon sa gasolinahan, ug uban pa. Itanyag ang unom ka bulan nga mga suskrisyon ngadto kanilang magpakitag mapinadayonong interes. Dapita ang usa o duha ka magmamantala sa pag-asoy ug makapalig-ong kasinatian bahin sa mga ruta sa magasin.
20 min: Mga Payunir nga Nagatabang sa Uban. Pakigpulong sa magtatan-aw sa pag-alagad, nga magsubli sa kahikayan nga ang mga payunir personal nga motabang sa uban. Isaysay kon sa unsang paagi ang mga programa sa pagtabang gisugdan sa miagi. (jv 100-1; km 7/79 1, 3) Ang kapin sa usa ka milyong mga bag-ohan nga nabawtismohan sa miaging tulo ka tuig nagkinahanglag pagbansay. Ang “Mga Payunir Nagatabang sa Uban” nga programa maggamit sa kasinatian ug pagbansay sa regular ug espesyal nga mga payunir nga nakatambong na sa Pioneer Service School. Ang tumong mao nga ang matag payunir motabang ug duha ka magmamantala matag tuig aron mahimong mas hanas diha sa ministeryo ug sa pagkab-ot ug mas dakong pakig-ambit. Kadtong ginatabangan dili angayng mahadlok; ang pasiugda maoy paghatag ug mahigugmaon, malulotong pagdasig. Kining bag-ong programa magtaganag potensiyal alang sa tinaggatos ka libo nga mahimong mas epektibong mga ministro.
Awit 207 ug paniklop nga pag-ampo.
Semana sa Hunyo 29–Hulyo 5
10 min: Lokal nga mga pahibalo. Pahinumdomi ang tanan sa pagtunol sa mga taho sa pag-alagad sa kanataran sa Hunyo. Hisgoti ang tanyag nga literatura sa Hulyo, nga magsubli sa mga puntong igsusulti sa bag-ong brosyur, Usa ka Basahon Alang sa Tanang Tawo.
15 min: Nagakaluya ba Ako? Pakigpulong sa usa ka ansiyano pinasukad sa Disyembre 15, 1987, Bantayanang Torre, mga panid 18-19, mga parapo 14-16. Dasiga silang kinsa aktibo sulod sa ubay-ubayng katuigan nga palandongon ang kalidad ug gidak-on sa ilang sagradong pag-alagad.
20 min: Kitang Tanan Makasangyaw sa Di-Pormal nga Paagi. Pakigpulong ug panaghisgot sa mamiminaw pinasukad sa Oktubre 15, 1987, Bantayanang Torre, mga panid 22-7. Ipakita kon sa unsang paagi kadtong kansang panahon okupado sa sekular, pamilyahanon, o personal nga mga kaakohan makakaplag ug daghang kahigayonan matag adlaw sa pagpaambit sa maayong balita ngadto sa uban. Ilakip ang pipila ka lokal nga mga kasinatian.
Awit 76 ug paniklop nga pag-ampo.