Mga Tigom sa Pag-alagad Alang sa Oktubre
Semana sa Oktubre 5-11
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian.
15 min: “Karon na ang Panahon.” Pangutanag tubag. Hisgoti ang pipila ka lokal nga mga tumong nga tingali praktikal ug ipakita kon unsaon pagkab-ot niini.
20 min: “‘Nagapugas sa Binhi sa Gingharian’ Maylabot sa mga Rota sa Magasin.” Panaghisgot sa mamiminaw. Ipasaysay sa pipila kon sa unsang paagi ilang nasugdan ug namentinar ang rota sa magasin. Dayon ipasundayag ang usa ka presentasyon sa magasin diin himoon ang mga kahikayan sa pagbalik dala ang sunod nga mga gula.
Awit 133 ug paniklop nga pag-ampo.
Semana sa Oktubre 12-18
5 min: Lokal nga mga pahibalo. Taho sa kuwenta.
10 min: “Mga Magtatan-aw nga Nagapanguna—Ang Sekretaryo.” Pakigpulong sa sekretaryo sa kongregasyon, nga magrepaso sa iyang natudlong mga katungdanan. Ipasiugda niya nga ang tanan makatabang pinaagig pagtunol dayon sa mga taho sa pag-alagad sa kanataran.
10 min: Sila Adunay Masibotong Espiritu sa Pagpayunir. Usa ka makapadasig nga pakigpulong gikan sa 1998 Yearbook, mga panid 104-7. Isaysay kon nganong adunay daghan kaayong payunir sa Hapon, kon unsay nagtugot sa mga asawa didto nga unahon ang espirituwal nga mga intereses, kon unsay anaa sa luyo sa matag aplikasyon sa pagpayunir, ug kon kinsay naglangkob sa kadaghanan sa mga payunir. Iilustrar ang maayong impluwensiya nga gipakita sa nagpayunir nga mga ginikanan. Ipasiugda kon unsang kombiksiyon ang kinahanglan sa paghimog kinahanglanong mga pagpasibo sa kinabuhi sa usa aron makapayunir. Dasiga ang tanan sa paghatag ug tim-os, mainampoong paghunahuna sa pagtimbangtimbang pag-usab sa ilang mga purohan sa pagpayunir.
20 min: “Ginabasa ba Nimo ang mga Magasin?” Pangutanag tubag. Repasoha ang praktikal nga mga sugyot sa pag-eskedyul ug panahon alang sa personal nga pagbasa nga makaplagan diha sa Giya sa Tunghaan, tun-anan 4, mga parapo 5-6.
Awit 107 ug paniklop nga pag-ampo.
Semana sa Oktubre 19-25
10 min: Lokal nga mga pahibalo. Repasoha ang mga puntong igsusulti diha sa labing bag-ong mga gula sa mga magasin. Iasoy ang mga kasinatian sa 1997 Yearbook, panid 45, ug Oktubre 22, 1996, Pagmata!, panid 32. Dasiga ang tanan sa pagpakig-ambit sa pag-apod-apod sa magasin ning hinapos sa semana.
15 min: Lokal nga mga panginahanglan.
20 min: Kon Unsaon Pagpangandam Alang sa Pagtuon sa Bantayanang Torre. Panaghisgot sa mamiminaw nga dumalahon sa konduktor sa Pagtuon sa Bantayanang Torre, nga ipasukad sa Mayo 15, 1986, Bantayanang Torre, mga panid 19-20, mga parapo 16-18 ug Giya sa Tunghaan, tun-anan 7, parapo 11, ug tun-anan 18, mga parapo 4-6. Pakomentohi ang mosunod nga mga pangutana: (1) Nganong hinungdanon nga atong makuha ang labing dakong kaayohan gikan sa matag tun-anang artikulo sa Ang Bantayanang Torre? (2) Unsay angay natong himoon inigkadawat nato ug bag-ong gula? (3) Unsa ang maayong paagi sa pagpangandam alang sa Pagtuon sa Bantayanang Torre? (4) Unsaon man gayod pagtagad ang gisitar nga mga kasulatan ug ang tema sa leksiyon? (5) Unsaon nato pagsubli ang atong nakat-onan? (6) Unsang yawing mga puntos ang angay natong palandongon sa dihang atong tiklopan ang atong personal nga pagtuon sa leksiyon? (7) Unsaon man gayod nato pagpangandam ang usa ka komento? (8) Sa unsang paagi nga ang lainlaing mga komento ikahatag diha sa usa ka pangutana? Ipaasoy sa pipila kon unsay ilang gihimo sa personal sa pagtabang nila sa pagkuha sa labing dakong kaayohan gikan sa Pagtuon sa Bantayanang Torre.—Tan-awa usab ang Organisado sa Pagtuman sa Atong Ministeryo, mga panid 65-7.
Awit 95 ug paniklop nga pag-ampo.
Semana sa Okt. 26–Nob. 1
10 min: Lokal nga mga pahibalo. Itala ang daandaang mga publikasyon nga anaa sa lokal nga estak ug nga ikatanyag diha sa ministeryo segun sa motunghang mga kahigayonan. Sanglit may mga yugto sa bakasyon nga taliabot na sa Nobyembre ug Disyembre, maayong panahon kini alang sa bawtismadong mga batan-on ug uban pa sa pagtagad sa oksilyare nga pagpayunir.
20 min: Diyosnong Pagkamasinugtanon sa Pamilya nga Nabahin sa Relihiyon. Pakigpulong nga ipasukad sa Hunyo 1, 1995, Bantayanang Torre, mga panid 26-9. Ihatag ang malulotong pagdasig ug tambag sa pagtabang niadtong dunay di-magtutuong mga kapikas sa pagmentinar ug positibong tinamdan ug sa pagpakig-uban nga aktibo sa kongregasyon.
15 min: Pagtambong sa mga Tigom nga Untop. Panaghisgot taliwala sa duha o tulo ka konduktor sa Pagtuon sa Libro sa Kongregasyon o ministeryal nga mga alagad bahin sa suliran sa ulahi nga pag-abot sa mga tigom. Ilang ilhon nga ang talagsaong mga kahimtang, lakip ang mga emerhensiya, mga kahimtang sa panahon, trapiko, ug uban pa, makapalangan ni bisan kinsa. Bisan pa niana, ang pipila nagbatasan na nga maulahi. Sa positibong paagi, hisgotan sa grupo ug iilustrar kon unsay gikinahanglan aron makaabot sa hustong panahon: (1) kinasingkasing nga pagpabili para sa pribilehiyo sa pagtambong sa mga tigom ug sa espirituwal nga pagkaon ug pagpakig-uban nga itagana didto, (2) maayong pagplano nga abante ug organisasyon sa personal nga mga kalihokan, (3) mahinangpong kooperasyon tali sa mga membro sa pamilya, (4) paggikan nga sayo ug pagtugot ug panahon alang sa wala damhang mga suliran, ug (5) dulot nga mabalak-on nga dili makapahinabog mga kabaldahan sa ubang nanambong. Ang tanan magkauyon nga kining sulirana sa ulahing pag-abot masulbad pinaagig masubayong paningkamot nga mouswag.
Awit 86 ug paniklop nga pag-ampo.