Mga Tigom sa Pag-alagad Alang sa Agosto
Semana sa Agosto 2
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Komentohi ang taho sa Abril nga pag-alagad sa kanataran alang sa nasod ug sa lokal nga kongregasyon.
17 min: “Mahala Pag-ayo ang Matahom nga Ngalan ni Jehova.” Pangutanag tubag nga panaghisgot. Ipasiugda ang gisitar nga mga kasulatan.—Tan-awa ang librong Mabuhing Walay Kataposan, mga panid 184-5.
18 min: “Kalibotanong Edukasyon ug ang Imong Espirituwal nga mga Tumong.” Usa ka amahan maghisgot sa artikulo uban sa iyang anak nga lalaki o babaye. Ilang repasohon usab ang nalangkit nga materyal gikan sa Disyembre 22, 1995, Pagmata!, mga panid 7-11.
Awit 148 ug paniklop nga pag-ampo.
Semana sa Agosto 9
8 min: Lokal nga mga pahibalo. Taho sa kuwenta.
12 min: Mga Payunir Motabang sa Uban—Unsang Pag-uswag ang Nahimo? Pakigpulong ug mga interbiyo nga dumalahon sa magtatan-aw sa pag-alagad. Repasoha ang direksiyon nga gitagana diha sa Septiyembre 1998 nga Atong Ministeryo sa Gingharian, panid 4. Isaysay kon sa unsang paagi kini giorganisar sa lokal, ug ihatag ang kinabag-ohang taho sa pag-uswag nga nahimo niadtong gitabangan. Interbiyoha ang usa o duha ka payunir ug pipila sa mga magmamantala nga nakapahimulos sa ilang tabang. Dasiga kadtong sunod nga tabanganan sa pagpahimulos sa bug-os niini nga tagana.
25 min: “Ang Ganghaan sa Pagpayunir Bukas na ba Karon Alang Kanimo?” Pangutanag tubag nga panaghisgot nga dumalahon sa usa ka ansiyano. Interbiyoha ang mga payunir nga mahimong magsaysay kon sa unsang paagi sila nakaarang sa pagbuntog sa mga babag ug milampos. Analisaha ang “Sampol nga mga Eskedyul sa Regular Payunir,” nga nagpasiugda kon sa unsang paagi ang maayong pagplano magpakab-ot sa kinahanglanong oras. Ipahibalo nga si bisan kinsa nga buot magbaton ug aplikasyon sa payunir makakuhag usa human sa tigom.
Awit 202 ug paniklop nga pag-ampo.
Semana sa Agosto 16
10 min: Lokal nga mga pahibalo.
15 min: “Pag-atubang sa Hagit sa Ministeryo.” Pangutanag tubag. Alang sa dugang mga puntos, tan-awa Ang Bantayanang Torre, Hulyo 15, 1988, mga panid 18 ug 19.
20 min: Ikaw ba Nakig-ambit sa Paghimog mga Tinun-an? Panaghisgot sa mamiminaw. Tungod sa dakong gidaghanon sa literatura ang napahimutang, ang atong tumong mao gayod ang pagsugod ug mga pagtuon sa Bibliya aron kita makatabang sa mga tawo nga makapahimulos gikan sa mga publikasyon nga ilang nadawat. Pakomentohi sa mga magmamantala ang bahin sa mga suliran nga nagpugong kanila sa pagdumalag dugang mga pagtuon: (1) Malisod ang pagpangitag mga tawo nga andam motuon. (2) Ang pipila ka tawo nga nagpakitag interes moingon nga sila puliki kaayo aron motuon. (3) Human masugdi ang pagtuon, lisod nga makaplagan ang tawo sa balay aron magpabiling regular ang pagtuon. Ipatagad usab ang mga pagbati nga tingali nabatonan sa pipila ka magmamantala bahin sa buluhatong pagtuon sa Bibliya: (1) ‘Gibati ko nga dili kuwalipikado ingong magtutudlo.’ (2) ‘Wala akoy panahon sa pagdumalag senemanang pagtuon.’ (3) ‘Nagpanuko ako nga obligahon ang akong kaugalingon ngadto sa laing tawo.’ (4) ‘Kontento na ako sa pakig-ambit diha sa ubang mga bahin sa ministeryo.’ Itanyag ang positibong mga sugyot kon unsaon sa pagbuntog niini nga mga babag aron nga makaambit sa personal diha sa buluhatong paghimog tinun-an. Pasaysaya ang malamposong mga magmamantala sa kalipay nga ilang natagamtam diha sa pagtuon sa Bibliya nga buluhaton.—Tan-awa ang pasukip sa Abril 1998 nga Atong Ministeryo sa Gingharian, mga parapo 3-8, 15.
Awit 100 ug paniklop nga pag-ampo.
Semana sa Agosto 23
10 min: Lokal nga mga pahibalo.
15 min: Tabangi ang Bag-ong mga Interesado sa Pagpabili sa Pagkabalaan sa Kaminyoon. Dumalahon sa ansiyano ang panaghisgot sa mamiminaw nga gipasukad sa librong Nangatarongan, mga panid 108-10 (mga panid 248-50 sa Ingles). Mahibalag ta ang mga magtiayon nga mosanong sa mensahe sa Gingharian apan hinay ang pag-uswag tungod kay sila nagpuyopuyo nga walay legal nga kasal. Hisgoti kon sa unsang paagi sila matabangan sa pagsabot kon nganong kinahanglang ituboy sa mga Kristohanon ang dungganong kaminyoon. (Tan-awa ang Enero 8, 1992, Pagmata!, mga panid 26-7.) Kon ang usa ka magtiayon sa Kasulatanhon libre sa pagminyo pag-usab apan adunay legal nga kakulian ug dili posible ang diborsiyo, ipatin-aw kon sa unsang paagi ang Deklarasyon nga Nagasaad nga Mounong mahimong hikayon sa kongregasyon hangtod nga ang kaminyoon mahimong legal.—Tan-awa Ang Bantayanang Torre, Septiyembre 15, 1977, mga panid 563-8 (Marso 15, 1977, mga panid 182-5 sa Ingles); Pebrero 15, 1987, panid 31; Matuod nga Kalinaw ug Kasegurohan, panid 148.
20 min: “Unsay Imong Isulti Ngadto sa Usa ka Budhista?” Pangutanag tubag. Kita sagad mahingangha kon unsay isulti sa dihang atong makaplagan ang mga tawo sa teritoryo nga naghupot ug di-Kristohanong relihiyon nga nagpasiugdag mga ideya, mga batasan, ug mga rituwal nga di ta sinati. Gisugdan niini nga artikulo ang lima-ka-bahin nga serye bahin niini nga ulohan. Ipasundayag ang naandam-pag-ayong presentasyon. Alang sa dugang impormasyon bahin sa Budhismo, tan-awa ang librong Nangatarongan, panid 21 ug Pagpangita sa Katawhan sa Diyos, kapitulo 6.
Awit 133 ug paniklop nga pag-ampo.
Semana sa Agosto 30
10 min: Lokal nga mga pahibalo. Pahinumdomi ang tanan sa pagtunol sa mga taho sa pag-alagad sa kanataran sa Agosto.
17 min: Kita Nahigugma sa Atong mga Igsoon. Pakigpulong sa usa ka ansiyano, nga naglakip sa panaghisgot sa mamiminaw nga gipasukad sa Disyembre 1, 1995, Bantayanang Torre, mga panid 15-17, mga parapo 7-11. Dapita ang mamiminaw sa pagsaysay sa mga kasinatian nga nagpakita kon sa unsang paagi sila napalagsik ug napalig-on pinaagi sa mahigugmaong pagdasig gikan sa uban.
18 min: Ihatag ang Katarongan sa Imong Paglaom. Usa ka ansiyano mag-interbiyo ug usa o duha ka sumbanang tin-edyer nga nagtungha sa publikong eskuylahan. Sila padayong nag-atubang ug mga pangutana gikan sa kalibotanong mga kauban kon nganong sila dili moduyog kanila sa ilang mga kalihokan. Samtang nagpahimulos sa maong mga kahigayonan sa pagpatin-aw sa ilang gipasukad-sa-Bibliya nga mga gituohan, ang atong mga batan-on kinahanglan nga magmalig-on sa ilang pagsukol. Ang grupo maghisgot kon sa unsang paagi sila hayan mosanong kon sila tanyagan ug tabako o mga droga. Repasoha ang pangatarongan nga gipresentar diha sa librong Gisukna sa mga Batan-on, mga panid 277-81. Isaysay kon sa unsang paagi ang pagdepensa sa ilang gimbut-an sa pagbuhat kon unsay maayo magsilbing proteksiyon ug maghatag ug maayong pamatuod.
Awit 129 ug paniklop nga pag-ampo.