Eskedyul sa Tigom sa Pag-alagad
Semana sa Marso 13
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian.
15 min: “Atong Ginasangyaw ang Maayong Balita.” Limitahe ang pasiunang mga komento nga dili molapas sa usa ka minuto, ug sundan sa pangutanag-tubag nga panaghisgot. Paghatag ug mga panig-ingnan sa positibong Kasulatanhong mga puntos nga makuha gikan sa librong Kahibalo sa dihang magtanyag niana sa ministeryo.
20 min: “Ato Bang Mahimo ang Abril 2000 nga Atong Labing Maayong Bulan Sukad?” (Mga parapo 1-11) Pangutanag tubag. Hisgoti ang kinatas-ang gidaghanon sa mga oksilyare payunir diha sa di pa dugayng rekord sa kongregasyon. Pasultiha ang pipila nga apil sa maong gidaghanon sa personal nga mga kaayohan nga ilang nakuha gumikan sa pagpauswag sa ilang pagpakig-ambit sa ministeryo. Dasiga ang kongregasyon sa paninguhang kab-oton ang bag-ong kinatas-an sa mga oksilyare payunir sulod sa Abril. Sublia ang mga kuwalipikasyon nga gilaraw diha sa librong Atong Ministeryo, mga panid 113-14. Ang mga magmamantala nga nagtinguha sa pag-oksilyare payunir mahimong mokuhag aplikasyon human sa tigom.
Awit 187 ug paniklop nga pag-ampo.
Semana sa Marso 20
10 min: Lokal nga mga pahibalo. Taho sa kuwenta.
15 min: “Unsay Akong Mahimo?” Hisgotan sa tagdumala sa pagtuon sa libro ang artikulo uban sa usa o duha ka ministeryal nga alagad. Tungod sa nagkadaiyang mga limitasyon, mahimong bation sa pipila ka magmamantala nga gamay ang ilang ikatampo alang sa kalihokan sa kongregasyon. Sublia ang pipila sa daghang paagi nga kitang tanan makahimog bililhong kontribusyon alang sa pagpalig-on sa kongregasyon ug pagpauswag sa buluhaton sa Gingharian. Tiklopi pinaagig pagpakita kon sa unsang paagi ang matag usa mahimong ‘Moambit Diha sa Ultimang Report.’—Tan-awa ang Atong Ministeryo, mga panid 108-10.
20 min: “Ato Bang Mahimo ang Abril 2000 nga Atong Labing Maayong Bulan Sukad?” (Mga parapo 12-18) Pangutanag tubag. Ilakip ang mubong pasundayag kon unsaon sa pagdapit ang personal nga kaila ngadto sa Memoryal. Sublia ang “Teokratikanhong Kalendaryo sa Abril 2000,” ug larawa ang mga tigom sa dayon nang pagsangyaw nga giplano sa lokal. Pahinumdomi ang matag usa sa paghimog praktikal nga eskedyul sa dugang pagpakig-ambit kutob sa maarangan diha sa ministeryo sulod sa bulan, nga niana kab-oton ang 100 porsiyentong pagpakig-ambit sa kongregasyon. Dasiga ang tanang makahimo sa pag-oksilyare payunir ug sa pagkuhag aplikasyon human sa tigom.
Awit 65 ug paniklop nga pag-ampo.
Semana sa Marso 27
10 min: Lokal nga mga pahibalo. Pahinumdomi ang tanan sa pagtunol sa mga taho sa pag-alagad sa kanataran alang sa Marso. Ipahibalo ang mga ngalan kanilang mag-oksilyare payunir sa Abril. Isaysay nga dili pa ulahi ang pagtunol ug aplikasyon. Larawa ang tibuok eskedyul sa mga tigom sa dayon nang pagsangyaw nga giplano alang sa bulan. Dasiga ang tanan sa pagpakig-ambit sa ministeryo niining hinapos sa semana, nga masugdan ang bulan sa Abril sa pagpakig-ambit sa ministeryo. Atong itanyag ang indibiduwal nga mga kopya sa Ang Bantayanang Torre ug Pagmata! sulod sa bulan. Ipasiugda ang usa ka artikulo ug haom nga puntong mahisgotan nga epektibong magamit sa mga presentasyon sa matag usa sa kinabag-ohang mga isyu. Ang tanan angayng magbaton ug kopya sa brosyur nga Gikinahanglan ug maningkamot sa paggamit niini sa pagsugod ug mga pagtuon sa Bibliya uban sa interesadong mga tawo.
13 min: “Pangayog Tabang.” Pakigpulong ug panaghisgot sa mamiminaw sa usa ka ansiyano. Isaysay kon sa unsang paagi kitang tanan nagkinahanglan ug pipila ka matang sa tabang sa popanahon. Siyempre, ang matag usa angayng magpas-an sa iyang kaugalingong luwan. (Gal. 6:5) Bisan pa niana, kon kita dili makasugakod, kita dili gayod manuko sa pagpangayog tabang gikan sa hamtong nga membro sa espirituwal sa kongregasyon. Dapita ang mamiminaw sa pag-asoy ug mga kasinatian nga nagpakita kon sa unsang paagi ang mabinationg tabang nga gihatag sa uban nagpalig-on kanila.
10 min: Lokal nga mga panginahanglan.
12 min: Sublia ang 2000 Yearbook. Panaghisgot sa mamiminaw ug pagsubli sa dagkong mga puntos sa “1999 Grand Totals,” sa panid 31. Dugang pa hisgoti ang “A Letter From the Governing Body,” sa mga panid 3-5. Pakomentoha ang pipila kon sa unsang paagi ilang sundon ang pagdasig nga gihatag.
Awit 195 ug paniklop nga pag-ampo.
Semana sa Abril 3
10 min: Lokal nga mga pahibalo ug mga kasinatian sa pag-alagad sa kanataran. Gamita ang piniling di pa dugayng mga kasinatian gikan sa lokal nga teritoryo nga magpalig-on sa uban sa pagpakig-ambit sa pag-alagad sa kanataran.
17 min: “Pagtuon sa Tagna ni Daniel.” Pangutanag tubag. Sa mubo magkomento kon sa unsang paagi kita mobarog aron makabenepisyo gikan sa pagtuon sa basahon sa Bibliya ni Daniel. (Tan-awa ang kapitulo 1, mga parapo 15-17, diha sa Tagna ni Daniel nga libro.) Dasiga ang tanan sa pagtambong sa Pagtuon sa Libro sa Kongregasyon nga regular.
18 min: Angay ba Nakong Itaho ang Seryosong Sala? Usa ka seryosong pakigpulong sa usa ka ansiyano, nga itumong ngadto sa mga batan-on. Daghang suliran nga naugmad sa modernong katilingban aduna gayoy makadaot nga epekto diha sa mga batan-on: nagakadunot nga mga sukdanan sa moral, nagauswag nga kapintasan, pagkagiyan sa droga, ug kawalay-pagtahod sa awtoridad. Ang ubang mga tin-edyer nagkinabuhi ug dobleng kinabuhi, nga nagtago sa ilang sayop nga panggawi. Kini magpahinabog tinuod nga hulga sa espirituwal nga kaayohan sa tibuok kongregasyon. Ang pipila nakahimog seryosong sala ug buot nga itago kana. Kon ikaw nahibalo nga ang usa ka igsoong lalaki o babaye diha sa kongregasyon may nahimong seryosong paglapas sa balaod sa Diyos, unsay angay nimong buhaton? Tagda ang prinsipyo nga gipakita sa Levitico 5:1. (Tan-awa ang Agosto 15, 1997, Bantayanang Torre, mga panid 27-30) Gamita ang librong Gisukna sa mga Batan-on, sa mga panid 68-9, ug ipatin-aw kon unsay angay buhaton sa usa ka tawo sa maong kahimtang.
Awit 68 ug paniklop nga pag-ampo.