Eskedyul sa Tigom sa Pag-alagad
Semana sa Septiyembre 11
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Ilakip ang “‘Mga Magtutuman sa Pulong sa Diyos’ Distritong mga Kombensiyon.”
15 min: “Ang Panalangin ni Jehova Nagapadato Kanato.” Pangutanag tubag.—Tan-awa ang Insight, Tomo 2, panid 804, mga parapo 6-7.
20 min: “Gamitang Bag-ong mga Hitabo sa Pagpukawg Interes.” Panaghisgot sa mamiminaw ug mga pasundayag. Hisgoti ang pipila sa bag-ong mga hitabo nga nakapukawg interes sa lokal. Ginamit ang librong Nangatarongan, panid 11, itanyag ang pipila ka sugyot kon unsaon sa pag-andam sa introduksiyon nga motultol ngadto sa panaghisgot sa Bibliya. Hikaya ang duha ka nabansay-pag-ayong mga pasundayag.
Awit 224 ug paniklop nga pag-ampo.
Semana sa Septiyembre 18
10 min: Lokal nga mga pahibalo. Taho sa kuwenta.
15 min: Unsa ang Atong Nalampos sa Miaging Tuig? Pakigpulong sa magtatan-aw sa pag-alagad. Sublia ang dagkong mga puntos gikan sa taho sa kongregasyon alang sa 2000 tuig sa pag-alagad. Ihatag ang komendasyon alang sa maayong mga butang nga nalampos. Puntinga ang mga bahin diin gikinahanglan tingali ug pag-uswag. Isentro ang pagtagad sa nahimo sa kongregasyon maylabot sa pagtambong sa tigom, pagsugod ug pagdumalag mga pagtuon sa Bibliya, ug sa pagkaregular diha sa pag-alagad sa kanataran. Larawa ang praktikal nga mga tumong alang sa umaabot nga tuig.
20 min: “Nameligro ang mga Kinabuhi!” Panaghisgot sa mamiminaw. Ipasiugda ang mga kasulatan nga gisitar sa artikulo.
Awit 30 ug paniklop nga pag-ampo.
Semana sa Septiyembre 25
15 min: Lokal nga mga pahibalo. Sublia ang “Pangutana.”
15 min: Lokal nga mga panginahanglan.
15 min: Atong mga Magasin Dili Mawad-ag Bili Niini. Unsay imong buhaton sa dihang ang daandaang mga isyu sa Ang Bantayanang Torre ug Pagmata! magtipun-og? Ang pipila ka magmamantala makiling sa paglabay niana, nga naghunahuna nga ang mga ulohan dili na bag-o. Hinunoa, ang Oktubre 1993 Atong Ministeryo sa Gingharian, panid 7, nag-awhag kanato sa pagdala ug pipila ka daandaang mga isyu ug itanyag kini kon haom. Ikaw makapili ug haom-sa-panahon nga mga artikulo nga hayan makapainteres sa mga lalaki, mga babaye, propesyonal nga mga tawo, mga tigulang, ug mga tin-edyer. Ipasundayag kon sa unsang paagi ang mga artikulo mahimong pilion ug ikatanyag.
Awit 115 ug paniklop nga pag-ampo.
Semana sa Oktubre 2
15 min: Lokal nga mga pahibalo. Pahibaloa ang kongregasyon bahin sa linaing pagpang-apod-apod nga giplano alang sa Kingdom News Num. 36, nga mosugod sa Lunes, Oktubre 16, ug ipadayon hangtod sa Biyernes, Nobyembre 17. Awhaga ang tanan, lakip ang mga batan-on ug mga bag-ohan, nga manikaysikay aron magapakig-ambit sa bug-os. Ang mga tagdumala sa pagtuon angayng mosugod na karon sa pagdasig ug pag-organisar sa tanan diha sa ilang grupo sa pagpakig-ambit nga masiboton kutob sa maarangan. Ilakip ang makapalig-ong mga kasinatian gikan sa miaging pagpang-apod-apod sa Kingdom News.
15 min: “Angay ba Akong Mobalhin?” Pakigpulong sa usa ka ansiyano. Isaysay kon nganong adunay panginahanglan sa paggamit ug panabot sa paghimog desisyon sa pagbalhin bisan asa. Hisgoti kon sa unsang paagi ipadapat ang tambag nga makaplagan sa Proverbio 22:3. Ilakip ang mga komento bahin sa mga pasidaan nga makaplagan diha sa Agosto 15, 1988, Bantayanang Torre, panid 22.
15 min: Mga Kasinatian sa Pagsugod ug mga Panaghisgot. Diha sa programa sa Tigom sa Pag-alagad alang sa semana sa Septiyembre 11, girekomendar nga atong ugmaron ang mga introduksiyon bahin sa bag-ong mga hitabo sa pagpukawg interes ug pagsugod ug mga panaghisgot diha sa ministeryo. Dapita ang mamiminaw nga iasoy ang maayong mga resulta nga ilang napahimuslan sa pagkakaron pinaagi sa pagpadapat niining mga sugyota.
Awit 205 ug paniklop nga pag-ampo.