Eskedyul sa Tigom sa Pag-alagad
MATIKDI: Ang Atong Ministeryo sa Gingharian mag-eskedyul ug Tigom sa Pag-alagad sa matag semana sulod sa Disyembre ug Enero. Ang mga kongregasyon mohimog mga pagpasibo sumala sa gikinahanglan aron magtugot sa pagtambong sa “Mga Magtutuman sa Pulong sa Diyos” Distritong Kombensiyon. Duha ngadto sa upat ka semana human sa kombensiyon, usa ka 30-minutos nga pagsubli sa dagkong mga puntos sa programa ieskedyul diha sa Tigom sa Pag-alagad. Nianang panahona, ang matag usa magmaandam sa pagboluntaryo ug mubong komento sa dihang dapiton sa paghimo niana pinaagi sa tulo ka takos nga mga igsoong lalaki nga giasayn nga modumala niini nga bahin. Ang maong mga komento tingali magpahayag kon sa unsang paagi ang nakat-onan sa kombensiyon mapadapat sa kaugalingong kinabuhi sa usa ug sa iyang ministeryo sa kanataran. Usa o duha ka mubong mga kasinatian mahimong iasoy. Ang maayong pagpangandam sa tanan mao ang yawi sa paghimo niini nga bahin sa Tigom sa Pag-alagad nga makaiikag ug matulon-anon.
Semana sa Nobyembre 13
7 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian.
13 min: “Pangutana.” Pakigpulong sa ansiyano.
10 min: “Atua Ka ba Didto?” Pangutanag-tubag nga panaghisgot, nga nagpakita kon sa unsang paagi ang abanteng pagplano ug positibong tinamdan magseguro sa atong pagkaatua sa kombensiyon sa pagsugod mismo niini.
15 min: “Ginapabilhan Mo ba ang Sagradong mga Butang?” Pakigpulong nga may pakig-ambit sa mamiminaw pinaagig ansiyano diha sa pasukip sa panid 3.
Awit 63 ug paniklop nga pag-ampo.
Semana sa Nobyembre 20
8 min: Lokal nga mga pahibalo. Taho sa kuwenta.
22 min: “Ugmara ang Interes nga Napadasig sa Kingdom News Num. 36.” Pangutanag-tubag nga panaghisgot sa mga parapo 1-5. Larawa ang lokal nga mga kahikayan sa pagkobre sa bisan unsang teritoryo nga wala pa matrabaho. Sublia ang mga presentasyon sa mga parapo 7 ug 8 sa paghimog mga pagbalikduaw, ug ipasundayag ang matag usa. Ipasiugda ang kahinungdanon sa pagpaloap sa tanang interes ug manlimbasog sa pagsugod ug mga pagtuon sa Bibliya. Tiklopi pinaagi sa paghisgot sa parapo 9 ug sa gisitar nga mga kasulatan.
15 min: “Magmapatalinghogon sa Sagradong mga Kapahayagan.” Pangutanag-tubag nga panaghisgot sa pasukip sa panid 4. Ipasiugda ang mga katarongan kon nganong kitang tanan kinahanglang maanaa na sa atong mga lingkoranan sa dihang ang matag sesyon mosugod.
Awit 141 ug paniklop nga pag-ampo.
Semana sa Nobyembre 27
10 min: Lokal nga mga pahibalo. Pahinumdomi ang mga magmamantala sa pagtunol sa ilang mga taho sa pag-alagad sa kanataran sa Nobyembre. Ang tanyag nga literatura sa Disyembre mao ang brosyur nga Usa ka Basahon Alang sa Tanang Tawo duyog sa New World Translation. Isaysay kon sa unsang paagi ang mga Saksi ni Jehova nagdula ug dakong papel sa pagpatunghag Bibliya diha sa daghang pinulongan.—Tan-awa ang Oktubre 15, 1997, Bantayanang Torre, mga panid 11-12.
20 min: “Hupti ang Maayong Panggawi nga Naghimaya sa Diyos.” Usa ka ansiyano mohisgot sa artikulo sa panid 5 sa pasukip uban sa usa ka grupo sa pamilya. Ilang sublion kon unsay ilang gikinahanglang buhaton sa pagmentinar sa kahapsay, maayong pamatasan, kahinlo, ug sulondang panagway ug panggawi diha sa publikong mga dapit sa panahon sa kombensiyon.
15 min: Sa Unsang Paagi Akong Makontrolar ang Akong mga Batasan sa Pagtan-aw ug TV? Usa ka ansiyano makigsulti sa usa ka batan-ong igsoong lalaki kinsa naggugol ug ubay-ubayng mga oras sa matag adlaw sa pagtan-awg TV. Sa primero, ang igsoong lalaki mangatarongan nga dili kana makadaot. Siya moingon nga kana usa ka matang lamang sa lingawlingaw ug siya wala madaot niana. Ang ansiyano magsubli sa mga puntos diha sa kapitulo 36 sa librong Gisukna sa mga Batan-on. Iyang isaysay nga ang sobrang pagtan-aw sa TV maghurot sa hinungdanong panahon nga unta magamit sa laing paagi sa paghimog personal nga pagtuon, pagkuyog sa pagsangyaw, o pagtabang sa mga panginahanglan sa kongregasyon. Ang batan-ong igsoong lalaki mosultig pagpabili sa tambag ug moingon nga alang sa iyang espirituwal nga kaayohan, iyang usbon ang iyang mga batasan sa pagtan-awg TV.
Awit 175 ug paniklop nga pag-ampo.
Semana sa Disyembre 4
10 min: Lokal nga mga pahibalo.
20 min: “Padayon sa Pagsangyaw!” Pakigpulong ug interbiyo. Ang pipila nagpadayon diha sa buluhatong pagsangyaw sa tibuok nilang mga kinabuhi. Tungod sa positibong tinamdan, sila nakakaplag ug kalipay sa pagbuhat niana. (Tan-awa ang librong Kahibalo, panid 179, parapo 20, ug ang Mayo 1, 1992, Bantayanang Torre, mga panid 21-2, mga parapo 14-15.) Dapita ang usa ka magmamantala kinsa aktibo sulod sa daghang tuig sa pag-asoy sa mga katarongan kon nganong siya nagpadayon diha sa buluhatong pagsangyaw.
15 min: Gamitag Maayo ang Librong Nangatarongan. Pangutanag-tubag nga panaghisgot sa mga panid 7-8. Ipakita kon sa unsang paagi kining libroha gidisenyo sa pagtabang kanato nga maandam alang sa mas epektibong pagpakig-ambit diha sa ministeryo. Isaysay kon sa unsang paagi ang libro magamit sa dihang magsangyaw pinaagi sa telepono. Ipasundayag kon sa unsang paagi makaplagan ang makatabang nga impormasyon sa pagtubag sa pangutana. Agdaha ang tanan nga mahimong sinati niining libroha, huptan kini diha sa ilang sudlanang igsasangyaw, ug gamita kini kanunay.
Awit 218 ug paniklop nga pag-ampo.