Eskedyul sa Tigom sa Pag-alagad
Semana sa Agosto 12
13 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Ginamit ang mga sugyot sa panid 8, himoa ang duha ka pasundayag kon sa unsang paagi itanyag ang Agosto 15 nga Bantayanang Torre ug ang Agosto 22 nga Pagmata! Sa matag pasundayag, ipakita ang lahi nga paagi sa pag-atubang sa tigsumpo sa panaghisgot nga “Nganong kamo kanunayng nagaduaw?”—Tan-awa ang librong Nangatarongan, panid 20.
20 min: “Hikaya ang Espirituwal nga mga Tumong.”a Sa dihang hisgotan ang parapo 5, ilakip ang makapadasig nga mga komento bahin sa regular nga pagpayunir ug pagmisyonaryo ug pag-alagad sa Bethel gikan sa librong Atong Ministeryo, mga panid 114-16.
12 min: Lokal nga mga eksperyensiya. Dapita ang kongregasyon sa pag-asoy sa ilang mga eksperyensiya nga nabatonan ginamit ang tract nga Gusto Ka Bang Makabaton ug Dugang Kahibalo Bahin sa Bibliya? Aduna na bay nasugdan nga mga pagtuon sa Bibliya? Kon mao, ipatin-aw kon giunsa o ipasundayag ang usa o duha ka eksperyensiya. Sublia ang kahon nga “Mga Kahigayonan sa Pagpanagtag sa Tract” sa Disyembre 2001 nga Atong Ministeryo sa Gingharian, panid 4.
Awit 123 ug paniklop nga pag-ampo.
Semana sa Agosto 19
10 min: Lokal nga mga pahibalo. Taho sa kuwenta.
15 min: Unsay Nakapugong Kanila? Panaghisgot sa mamiminaw ug pasundayag. Diha sa atong ministeryo kita kanunayng makahibalag ug mga tawo nga magpanuko sa pagpakigsulti bahin sa ilang mga tinuohan. Kon atong masabtan kon unsay nakapugong sa usa ka tawo, motabang kini kanato sa pag-andam ug paagi sa pagpakig-estorya nga makadasig sa maong indibiduwal sa pagpagawas sa iyang mga opinyon. Hisgoti kon sa unsang paagi mahimo natong ipahiuyon ang atong presentasyon sa dihang mahibalag nato ang mosunod nga mga matang sa mga tawo: (1) Kadtong dili matinagdanon maylabot sa relihiyon, bisan sa ilang kaugalingon. (2) Kadtong nawili sa emosyonal nga paagi sa relihiyosong mga kostumbre nga gisubay sa ilang pamilya. (3) Kadtong di-komportableng makig-estorya bahin sa ilang mga tinuohan tungod kay diyutay lang silag Kasulatanhong pamatuod alang niana. (4) Kadtong may pagpihig batok kanato tungod sa sayop nga mga komento nga gisulti sa mga magsusupak. Ilakip ang mubong pasundayag nga nagpakita kon sa unsang paagi dad-on ang interes sa usa ka tawo ngadto sa Kasulatanhong panaghisgot.
20 min: “Ipakita ang Kristohanong Pagkamaunongon Kon Adunay Paryente nga Napalagpot.”b (Mga parapo 1-8) Dumalahon sa kuwalipikado-kaayong ansiyano, ginamit ang gitagana nga mga pangutana. Ipabasag kusog ang matag parapo sa igsoong lalaking may katakos sa pagbasa.
Awit 136 ug paniklop nga pag-ampo.
Semana sa Agosto 26
10 min: Lokal nga mga pahibalo. Ginamit ang mga sugyot sa panid 8, ipasundayag sa payunir kon unsaon pagtanyag ang Septiyembre 1 nga Bantayanang Torre ug ipasundayag sa magmamantala sa kongregasyon kon unsaon pagtanyag ang Septiyembre 8 nga Pagmata! Dasiga ang tanang magmamantala sa paggamit ug usa ka teksto sa ilang presentasyon.
17 min: “Mahimong Maayong Mopakigsulti!”c Sa paniklop nga bahin, dasiga ang mga magmamantala sa pagsubli sa kapitulong “Kon Unsaon Pagpauswag ang mga Katakos sa Pagpakigsulti” sa librong Pahimusli ang Edukasyon sa Teokratikanhong Tunghaan sa Ministeryo, mga panid 62-5.
18 min: “Ipakita ang Kristohanong Pagkamaunongon Kon Adunay Paryente nga Napalagpot.”d (Mga parapo 9-14) Dumalahon sa kuwalipikado-kaayong ansiyano, ginamit ang gitagana nga mga pangutana. Ipabasag kusog ang matag parapo sa igsoong lalaking may katakos sa pagbasa.
Awit 125 ug paniklop nga pag-ampo.
Semana sa Septiyembre 2
10 min: Lokal nga mga pahibalo. Sa mubo ipasiugda ang artikulong “Pagbasa Duyog sa Imong mga Anak” sa Mayo 1, 1999, Bantayanang Torre, panid 25.
20 min: Pangandam sa Dili Ka pa Molakaw. Panaghisgot ug pasundayag. Ang maayong pagplano makaamot sa atong kaepektibo sa ministeryo. Busa, sa abante: (1) Kuhaa ang literatura nga imong gikinahanglan. (2) Paneguroa nga aduna ka ing igong gidaghanon sa mga house-to-house record ug bolpen o lapis. (3) Kon nanginahanglan kag sakyanan, himoa ang nahiangay nga mga kahikayan sa pagbiyahe. (4) Hunahunaa ang mga balikduaw nga giplanohan mong himoon. (5) Andama ang imong igsusulti. Kon magdumala ka sa tigom sa dayon na nga pagsangyaw, pagkuha ug igoigong teritoryo. Hisgoti uban sa mamiminaw ang duha o tulo ka paagi sa pagtanyag sa librong Creation diha sa ministeryo sulod sa Septiyembre. Ipasundayag ang usa sa mga presentasyon, ug ilakip paggamit ang usa ka teksto diha sa panaghisgot.—Tan-awa ang mga sugyot sa Atong Ministeryo sa Gingharian, Septiyembre 1996, panid 8, ug Hunyo 1995, panid 4.
15 min: “Pagpabili sa mga Tagana ni Jehova”e Dasiga ang tanan sa kongregasyon nga regular nga moamot ngadto sa tibuok-kalibotang buluhaton.
Awit 99 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
c Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
d Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
e Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.