Eskedyul sa Tigom sa Pag-alagad
Semana sa Oktubre 14
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Dasiga ang tanan sa pagbasa sa Numeros kapitulo 25 ug sa Insight, Tomo 2, panid 419, mga parapo 3-5, ug dayon tan-awon ang video nga Warning Examples for Our Day agig pagpangandam sa panaghisgot diha sa Tigom sa Pag-alagad sa semana sa Oktubre 28. (Kini ang unang video sa drama nga gihimo sa Sosyedad. Gipahibalo sa Septiyembre nga Atong Ministeryo sa Gingharian nga kining videoha mabatonan na karon sa Pilipinas. Kon wala ka pa makaorder, maayong moorder ka na karon.) Ginamit ang mga sugyot sa panid 8, himoa ang duha ka pasundayag kon sa unsang paagi itanyag ang Oktubre 15 nga Bantayanang Torre ug ang Oktubre 22 nga Pagmata!
15 min: Lokal nga mga panginahanglan.
20 min: “Kon sa Unsang Paagi ang mga Magtatan-aw sa Pagtuon sa Libro sa Kongregasyon Makapakitag Personal nga Interes.” Pangutanag-tubag nga panaghisgot nga dumalahon sa magtatan-aw sa Pagtuon sa Libro sa Kongregasyon. Sa pasiunang mga komento, ipatin-aw sa mubo kon sa unsang paagi nagsugod ang kahikayan sa pagtuon sa libro. (jv 237, par. 4) Hikaya daan ang duha o tulo ka magmamantala sa pagkomento kon sa unsang paagi nakabenepisyo sila gikan sa personal nga interes nga gipakita kanila pinaagi sa Pagtuon sa Libro sa Kongregasyon.
Awit 65 ug paniklop nga pag-ampo.
Semana sa Oktubre 21
10 min: Lokal nga mga pahibalo. Taho sa kuwenta.
20 min: “Agaka ang mga Ginatun-an sa Bibliya Ngadto sa Organisasyon.” Pangutanag-tubag nga panaghisgot. Sa parapo 4, hisgoti ang nagkalainlaing mga bahin sa brosyur nga Mga Saksi ni Jehova ug dasiga ang tanan nga magdalag mga kopya diha sa ministeryo. Sa mubo ipasundayag kon sa unsang paagi mahimong gamiton ang brosyur sa dihang magdapit ug ginatun-an sa Bibliya sa pagtambong sa mga tigom.
15 min: Pakigpulong sa artikulong “Pagpakigbisog—Kanus-a Kini Gantihan ni Jehova?” pinasukad sa Agosto 1, 2002 nga Bantayanang Torre, mga panid 29-31.
Awit 194 ug paniklop nga pag-ampo.
Semana sa Oktubre 28
8 min: Lokal nga mga pahibalo. Dasiga ang tanan sa pagrepaso sa ilang mga nota gikan sa miaging programa sa adlawng espesyal nga asembliya agig pagpangandam sa panaghisgot sa Tigom sa Pag-alagad sa sunod semana. Ginamit ang mga sugyot sa panid 8, ipasundayag sa usa ka sister kon sa unsang paagi itanyag ang Nobyembre 1 nga Bantayanang Torre ug ipasundayag sa igsoong lalaki ang paagi sa pagtanyag sa Nobyembre 8 nga Pagmata!
15 min: “Himoang Makapalig-on.” Pakigpulong sa ansiyano nga may pakig-ambit ang mamiminaw.
22 min: “Madasigong Pag-agda nga Sundon ang Warning Examples for Our Day.” Limitahe ang pasiunang mga komento nga kubos sa usa ka minuto, ug sundan dayon sa panaghisgot uban sa mamiminaw ang matag pangutana nga gipresentar diha sa artikulo. (Matikdi: Sa mga kongregasyon nga walay magamit niini nga video, ang pakigpulong nga “Kon Unsaon Pagsagubang ang Kawalay-Paglaom” mahimong maoy ipahayag, pinasukad sa Mayo 8, 2000 nga Pagmata!, mga panid 20, 21.) Sa Disyembre atong sublion ang video nga No Blood—Medicine Meets the Challenge.
Awit 41 ug paniklop nga pag-ampo.
Semana sa Nobyembre 4
10 min: Lokal nga mga pahibalo. Sa mubo sublia ang pipila ka sugyot gikan pasukip sa Mayo 2002 nga Atong Ministeryo sa Gingharian alang sa pagtanyag sa brosyur nga Gikinahanglan ug sa librong Kahibalo. Ipasundayag ang usa sa mga presentasyon.
13 min: Wala Ikaulaw ang Maayong Balita. (Roma 1:16) Usa ka batan-on nga may problema miduol sa iyang amahan. Nagpanuko ang batan-on nga mailhan ingong usa sa mga Saksi ni Jehova tungod sa kahadlok nga biaybiayon sa iyang mga katalirongan. Gipasalamatan sa amahan ang batan-on tungod sa kamatinud-anon sa maong butang. Iyang giasoy kon sa unsang paagi misanong si Pedro kanhi tungod sa pagpit-os sa isigkaingon. (Mat. 26:69-74) Motambag ang amahan niining mosunod: Dili kita angayng maulaw kon kinsa kita ingong mga Kristohanon. (Mar. 8:38) May bentaha nga ipaila ang imong kaugalingon diha sa eskuylahan ingong Saksi. Kay nasayod na, daghang magtutudlo ang motahod sa imong tinuohan ug dili mosulay sa paglangkit kanimo sa mga kalihokan nga giisip nimong dili maayo. Ang way-prinsipyong mga batan-on lagmit dili usab kaayo mosulay sa pagpit-os kanimo sa paghimog dili maayong panggawi. Ang ubang mga klasmet mas daling makasabot kon nganong dili ka makigdeyt, makig-ambit sa ekstrakurikular nga mga esports, o moapil sa mga kalihokan human sa klase. Segun sa itugot sa panahon, hisgotan sa amahan ug anak ang mga punto gikan sa sub-ulohang “Ipahayag sa Dayag ang Imong Pakighigala sa Diyos” diha sa librong Gisukna sa mga Batan-on, mga panid 315-18. Ang tin-edyer mapasalamaton sa maayong tambag.
22 min: Magpasakop Kamo sa Diyos—Sukli ang Yawa. (Sant. 4:7) Ginamit ang mga pangutana nga gitagana dinhi, dumalahon sa ansiyano ang madasigong panaghisgot sa mamiminaw maylabot sa programa sa adlawng espesyal nga asembliya nga gipahigayon sayo niining tuiga. (Ang mga bahin mahimong iasayn daan.) Ipasiugda ang mosunod nga mga bahin sa programa: (1) “Pagpasakop sa Diyos Diha sa Naulipon nga Kalibotan.” Nganong kinahanglan man kitang magmaigmat sa paglikay sa kalibotanong mga lit-ag? (2) “Pagpasundayag sa Diyosnong Pagkamapinasakopon Ingong mga Membro sa Pamilya.” Nganong adunay dinaliang panginahanglan sulod sa organisasyon ni Jehova sa paglig-on sa mga bugkos sa pamilya? Unsaon nato paghimo kana? (3) “Tabangi ang Bag-ong mga Tinun-an sa Pagbarog nga Malig-on Dapig Kang Jehova.” Sa unsang paagi atong matabangan ang mga bag-ohan sa pagbuntog sa mga babag nga magsulay sa ilang pagtuo? (4) “Kon Unsay Kahulogan sa Pagsukol sa Yawa.” Unsa ang yawi sa pagbarog nga malamposon batok sa Yawa? Sa unsang paagi ang espirituwal nga armadura nga gihubit sa Efeso 6:11-18 makapanalipod kanato? (w92 5/15 21-3) (5) “Mga Batan-on nga Malamposong Nakigbatok sa Daotan” ug “Mga Batan-on nga Nakabenepisyo Gikan sa Diyosnong Pagkamapinasakopon.” Unsa ang pipila sa mga laraw ni Satanas nga kinahanglang bantayan sa mga batan-on? Sa unsang paagi gigantihan ang mga batan-on tungod sa ilang pagpasakop kang Jehova? (w90 8/1 13-14, mga par. 15-17) (6) “Pagkuhag Kaayohan Gikan sa Diyosnong Pagkamapinasakopon.” Isaysay kon sa unsang paagi gipasundayag sa mga Kristohanon ang pagkamapinasakopon ngadto sa awtoridad sa gobyerno, sekular nga mga amo, diha sa pamilya, ug diha sa Kristohanong kongregasyon. Unsang mga hiyas ang motabang kanato sa paghimo niana?
Awit 185 ug paniklop nga pag-ampo.